नुवाकोटकी गुरुङ सिटिइभिटि बागमतीको प्रमुख कार्यकारी निर्देशकमा नियुक्त

११ पुस, हेटौंडा। बागमती  प्रदेश प्राविधिक तथा व्यावसायिक शिक्षा एवं तालिम परिषद् (सिटिइभिटी) को प्रमुख कार्यकारी निर्देशकमा नुवाकोटकी शान्ति लामा गुरुङ नियुक्त भएकी छिन्।

बागमती प्रदेश सरकारको  बिहीबार बसेको मन्त्रिपरिषद् बैठकले नुवाकोटको म्यागङ गाउँपालिका–४ की लामालाई  सिटिइिभटीको प्रमुख कार्यकारी निर्देशकमा नियुक्त गरेको सरकारका प्रवक्ता एवं आन्तरिक मामिला तथा कानुनमन्त्री सुरजचन्द्र लामिछानेले जानएका छन्। 

उक्त पदका लागि बागमती प्रदेशको सामाजिक विकास मन्त्रालयले खुला प्रतिस्पर्धामार्फत दरखास्त आह्वान गरेको थियो। समितिको सिफारिसअनुसार दखास्त परेको ७ जनाबाट ५ जनाको नाम संक्षिप्त सूचीमा तयार गरेर परीक्षा सञ्चालन गरेको थियो भने गत पुस १ मा अन्तर्वार्ता लिएर नियुक्तिका लागि ३ जनाको नाम सिफारिस गरिएको थियो। 

सामाजिक विकास मन्त्रालयका सचिव बद्रीनाथ गैरेको संयोजकत्वमा रहेको प्रमुख कार्यकारी निर्देशक छनोट तथा सिफारिस समितिले अन्तिम छनौटमा परेका मध्ये लामा सहित  मध्यपुरठिमी नगरपालिका–९ का बद्रीप्रसाद दहाल र भरतपुर–१०, चितवनका ईश्वरचन्द्र पौड्यालको  नाम सिफारिस गरेको थियो।सिफारिस भए बमोजिम मन्त्रीपरिषद्को बैठकले लामालाई प्रमुख कार्यकारी निर्देशकमा नियुक्त गरेको प्रवक्ता एवं आन्तरिक मामिला तथा कानुनमन्त्री लामिछानेले बताएका छन् ।प्रमुख कार्यकारी निर्देशकमा नियुक्त भएकी लामा नेपाली कांग्रेस नुवाकोटको महाधिवेशन समिति सदस्य हुन् भने २०७४ को स्थानीय तह निर्वाचनमा म्यागङ गाउँपालिकाको उपाध्यक्ष पदमा निर्वाचित भएकी थिइन्।