शिक्षा तथा मानव स्रोत विकास केन्द्र सानोठिमीको मकवानपुरका पत्रकारसंग छलफल

२४ माघ, हेटौंडा। बागमती प्रदेशको राजधानी हेटौंडा आएर शिक्षा तथा मानव स्रोत विकास केन्द्र सानोठिमी भक्तपुरले नेपालको शिक्षा प्रणाली सुधारका लागि कानुनी तथा नीतिगत व्यवस्थाहरूको समीक्षा गरेको छ। बिहीबार हेटौंडामा पत्रकार भेटघाट कार्यक्रम मार्फत शिक्षा तथा मानव स्रोत विकास केन्द्र सानोठिमी भक्तपुरले नेपालको शिक्षा प्रणाली सुधारका लागि कानुनी तथा नीतिगत व्यवस्थाहरूको समीक्षा गरेको हो।

शिक्षा तथा मानव स्रोत विकास केन्द्रका निर्देशक हरि प्रसाद अर्यालले अनिवार्य तथा निःशुल्क शिक्षाका नियमावली, विद्यालय संख्याको विवरण, स्कुल म्यापिङ, विद्यालय गाभ्ने (मर्जिङ) प्रक्रिया, तथा स्थानीय तहमा शिक्षा नीति कार्यान्वयनका बारेमा सहजीकरण गरेका थिए। पत्रकार भेटघाटमा अनिवार्य तथा निःशुल्क शिक्षाका नियमावली, विद्यालय संख्याको विवरण, स्कुल म्यापिङ, विद्यालय गाभ्ने (मर्जिङ) प्रक्रिया, तथा स्थानीय तहमा शिक्षा नीति कसरी प्रभावकारी बनाउन सकिन्छ भन्ने विषयमा छलफल गरिएको थियो। 

भेटघाट कार्यक्रममा हेटौडा उपमहानगरपालिका शिक्षा विकास महाशाखाका निमित्त प्रमुख हरिश्चन्द्र सापकोटाले महाशाखाबाट हुदै आएको काम कारबाहीको बारेमा जानकारी गराएका थिए भने शिक्षा विकास समन्व्य इकाई मकवानपुरका प्रमुख सुदिप गिरीले समन्वय इकाईबाट हुदै आएको कार्य सम्पादनका बारेमा जानकारी गराएका थिए। 

त्यसैगरी कार्यक्रममा  राष्टि्य परिक्षा वोर्ड हेटौंडाका प्रमुख कृष्ण प्रसाद घिमिरेले परीक्षा प्रणालीबारे जानकारी दिदै शिक्षाको क्षेत्रमा सकारात्मक परिवर्तन ल्याउन राज्यको चौथो अंग पत्रकारिताको भूमिका महत्वपूर्ण रहने बताएका छन्। कार्यक्रममा सिद्धार्थ मावि हेटौंडाका प्रधानाध्यापक परमानन्द सरोज कर्ण सहित संचारकर्मीहरुको उपस्थिति रहेको थियो।