शिक्षक संघ मकवानपुरको २३ औं जिल्ला प्रतिनिधिसभा सम्पन्न

२७ माघ, हेटौंडा। नेपाल शिक्षक संघ मकवानपुरको २३ औं जिल्ला प्रतिनिधि सभा शनिवार हेटौंडामा सम्पन्न भएको छ ।
शिक्षक संघ मकवानपुरका अध्यक्ष गणेश प्रसाद हुमागाईको सभाध्यक्षतामा भएको कार्यक्रममा बागमती प्रदेशका आर्थिक मामिला तथा योजना मन्त्री कुन्दनराज काफ्लेको प्रमुख आतित्थ्यता र शिक्षक संघ बागमती प्रदेशका अध्यक्ष दिपक सिम्खडाको विशिष्ट आतिथ्यता रहेको थियो ।
कार्यक्रमलाई सम्बोधन गर्दै प्रमुख अतिथि काफ्लेले  शिक्षकहरुका वषौदेखि चेपुवामा परेको र नयाँ ऐन जारी भएसंगै शिक्षकको समस्याले निचोड पाउने बताएका छन्।
उक्त अवसरमा संघका सचिब श्रीराम लुइँटेलले संघको प्रगति प्रतिवेदन र सचिब अर्थ धन बहादुर लामाले आर्थिक प्रतिवेदन प्रस्तुत गरेका थिए। 
कार्यक्रममा नेपाली कांंग्रेस मकवानपुरका पूर्व सभापति तथा संगठन विभाग प्रमुख माइकल रामचन्द्र अर्याल,  पूर्व सभापति रघुरमण न्यौपाने,नेपाल शिक्षक संघका केन्द्रीय सदस्य रामकुमार अधिकारी, काँग्रेस मकवानपुरका प्रवक्ता अर्जुन प्रसाद चौलागाईं, शिक्षक संघका बागमती प्रदेश सदस्य ज्ञानेन्द्र बर्तौला,दिपेन्द्र रेग्मी, काँग्रेस मकवानपुर जिल्ला सदस्य तथा शिक्षा विज्ञान तथा प्रविधि विभाग संयोजक माधव प्रसाद न्यौपाने  लगायतको उपस्थिति रहेको थियो।कार्यक्रममा मकवानपुरका दश वटै स्थानीय तह अन्तर्गत शिक्षक संघका पदाधिकारीहरुको उल्लेखनीय उपस्थिती रहेको थियो।
कार्यक्रममा उत्कृष्ट स्थानीय तह तर्फ नेपाल शिक्षक सङ्घ, बकैया गाउँ कार्यसमिति, उत्कृष्ट प्रधानाध्यापक तर्फ, राजेन्द्र थापा, श्री भानु माध्यमिक विद्यालय, मकवानपुरगढी–३, तुल बहादुर सुनार,श्री प्रजा आधारभूत विद्यालय, मनहरी–३,घडलाल स्याङ्तान, श्री सुनाचुरी चुरेडाँडा प्राथमिक विद्यालय, राक्सिराङ –५,त्यसैगरी उत्कृष्ट बिद्यालय तर्फ श्री पञ्चकन्या माध्यमिक विद्यालय, इपा, भीमफेदी–८, श्री कालिका आधारभूत विद्यालय, हेटौंडा–१, श्री गिता आधारभूत विद्यालय, भोर्लेनी, बागमती–५ र संघ प्रवेश शिक्षकहरू सम्मानित गरिएको थियो।