अछामकी १२ वर्षीय बालिका आफन्तबाट बलात्कृत, पेटमा २८ साताको गर्भ

१२ फागुन, हेटौंडा। अछाममा १२ वर्षीया बालिका २८ साताको गर्भवती बनेकि घटना सार्वजनिक भएको छ। 
अछामको चौरपाटी घर भई रोजगारीको सिलसिलामा भारतमा बस्दा आफन्तबाटै बलत्कृत १२ वर्षीया बालिका (६९ मंगलसेन) २८ साताको गर्भवती भएको जिल्ला प्रहरी कार्यालय अछाममा जाहेरी परेपछि घटना सार्वजनिक भएको हो। 
जिल्लाको चौरपाटी गाउँपालिकाको एक निम्न वर्गीय परिवारका दम्पती लामो समयदेखि भारतको सुरतमा चौकीदारी र घरेलु कामदार गर्दै आएको  र १२ वर्षीया छोरी पनिसंगै राखेका थिए ।
उनीहरु बस्ने सोही घरको अर्को कोठामा उनकै आफन्तको परिवार बस्ने गरेको र छेउको कोठामा बस्ने ४६ वर्षीयती आफन्तबाटै १२ वर्षीया बालिका पटक–पटक बलात्कृत भएर २८ साताको गर्भ रहेको खुलेको जिल्ला प्रहरी कार्यालय अछामका प्रमुख डीएसपी ईश्वरी प्रसाद भण्डारीले बताएका छन् ।
अछाम प्रहरी प्रमुख डीएसपी भण्डारीले पीडित बालिकाका अनुसार गत असारदेखि ती पुरुषले डर देखाएर र धम्की दिएर बलात्कार गर्दै आएको र परिवारलाई बताए मार्ने धम्की दिएको घटना सहित प्रहरी कार्यालयमा जाहेरी परेको जनाएका छन्।
प्रहरी प्रमुख भण्डारीले अछाम निवासी बर्ष १२ कि पिडित परिवर्तित नाम ६९ मंगलसेन ९३ बुबा आमासंग विगत ५ बर्ष देखि रोजगारीको सिलसिलामा भारतको सुरत भन्ने स्थानमा बस्दै आएकोमा 
बिगत केही दिनदेखि नेपाल आई वसोबास गरीरहेको र अहिले पिडितको पेट सुन्निएपछि अस्पतालमा उपचार गर्न जादाँ गर्भ रहेको छ भनी अस्पतालले रिपोर्ट दिएपछि बालीका २८ साताको गर्व रहेको भन्ने घटना सहित जाहेरी प्राप्त भएको बताएका छन्। 
घटनास्थल भारत र जाहेरीमा उल्लिखित व्यक्ति भारतमा रहेकोले भारतीय प्रहरीसंगको समन्वयमा घटनाको आवश्यक अनुसन्धान सुरु गरिएको जनाइएको छ।