मकवानपुर कैलाशको बैकुण्ठमा जीपलाइनको सफल परीक्षण

♦सुनिल शिवाकोटी 

१७ फागुन, हेटौंडा। मकवानपुरको विकट मानिएको कैलाश गाउँपालिकाले  कटिबंध भएर गरे के हुदैन भन्ने कुरालाई आफ्नै लगानीमा विकट र दुर्गम स्थानमा जीपलाईन निर्माण गर प्रमाणित गर्न सफल भएको छ। गाउँपालिकाको वडा नम्बर २ बैकुण्ठमा निर्मित कैलाश—बैकुण्ठ जीपलाइनको पहिलो चरणको परिक्षण सफल भएको छ ।

जीपलाइनका प्राविधिक टोली सहित गाउँपालिकाका अध्यक्ष लोकबहादुर मुक्तान, वडा नम्बर २ का वडा अध्यक्ष राजेन्द्र घिसिङ, योजना शाखा प्रमुख नरेन्द्र दत्त भट्ट, ईन्जिनियर अनिल जोशी लगायतको टोली पुगेर शनिबार पहिलो चरणको परीक्षण गरेको थियो ।स्थानीय तहले बजेट विनियोजन गरी  निर्माण भएको यो पहिलो जीपलाईन हो।
स्थानीय सरकार सञ्चालन ऐनको एकल अधिकार भित्र नपरेको अवस्थामा गाउँपालिका राष्ट्रिय महासंघका कार्य सम्पादन समितिका सदस्य समेत रहनुभएका कैलाश गाउँपालिकाका अध्यक्ष लोकबहादुर मुक्तानले पर्यटन पर्यावरणको प्रवद्र्धनमा यस खालका विकास स्थानीयतहको एकलअधिकार भित्र हुनुपर्छ भनी प्रस्ताव राखेका  थिए ।
आफ्नो यस भनाइमा संघीय सरकार पनि सकरात्मक भएपछि जीपलाइनको निर्माण कार्य सुरु गरिएको मोक्तानले जनाएका छन् ।
मेरो नेतृत्वको गाउँपालिका टिम कैलाश र बैकुण्ठका दुई पहाडलाई जोड्दै एक हजार दुई सय मिटर लामो जीपलाइ निर्माण गरेर असम्भव कुरालाई काम गरेर सम्भावना पार्न सकिन्छ भन्ने कुरालाई प्रमाणित गरेको देखाएको बताए। 
 "पर्यटन, पर्यावरणको विकासमा कैलाश गाउँपालिका पछि हटेको छैन्, यो जीपलाइन सञ्चालन पछि धादिङ जिल्लाको रोराङ बेनीघाट र गजुरी गाउँपालिका, मकवानपुरका थाहानगर, राक्सिराङ र मनहरी गाउँपालिकाका जीपलाइन पारखीलाई उत्कृष्ट गन्तव्यस्थल सावित हुनेछ" - अध्यक्ष मोक्तानले भने ।धादिङसँग सिमाना जोडिएकाले जीपलाइन स्थल पुग्न बेनीघाट, थाहानगर र मनहरी बजार तीनै क्षेत्रबाट करिब ३३ किलोमिटर सडक सञ्जाल रहेको छ। बैकुण्ठमा जीपलाइन सँगै विभिन्न पर्यटकीय पार्कहरु समेत निर्माण भइसकेका छन् ।
यता उक्त स्थानमा जीपलाइनका लागि फोरजी कम्पनीले आव २०७९\८० मा एक करोड ९० लाख ९७ हजार खर्च लाग्ने भनी सवक्षर्णे गरी गाउँपालिकामा प्रतिवेदन बुझाएको गाउँपालिकाका योजना शाखा प्रमुख नरेन्द्र दत्तभट्टले बताएका छन्।
पालिकाले बहुवर्षिय योजना बनाई दुई स्थानमा स्टेशन, ब्रेकिङ सिस्टम(हारनेस) र तार निर्माण गरिएको उहाँले बताउनुभयो । ०८० माघमा ठेक्का प्रकाशित भएसँगै सन्ध्यानिर्माण सेवा सँग ८८ लाख ५६ हजार ७ सात६१ रुपैयाँमा ०८१ फागुन मसान्त सम्ममा सम्पन्न गर्नेगरी ठेक्का सम्झौता भएको प्रमुखभट्टले जनाएका छन्। जीपलाइन प्राविधिक एंव प्रशिक्षक बद्री घिमिरेले जीपलाईन चढेर परीक्षण गरेका थिए।