सुनगाभाको अध्यक्षमा न्यौपाने चयन

१२ फागुन, हेटौँडा । हेटौडा–६, चौघडामा रहेको सुनगाभा बहूउद्देश्यीय सहकारी संस्थाको अध्यक्षमा रामहरी न्यौपाने चयन भएका छन् । सहकारी संस्थाको शनिवार भएको १३ औं वार्षिक साधारणसभाले न्यौपानेको अध्यक्षतामा ११ सदस्यीय नयाँ सञ्चालक समिति सर्वसम्मत चयन गरेको हो । 

समितिको सदस्यहरुमा बासुदेव अधिकारी, हिमाल पौडेल, खडानन्द चौलागाई, साधुराम चौलागाई, पूर्णभद्र चौलागाई, धु्रवप्रसाद चौलागाई, नारायणप्रसाद अधिकारी, लक्ष्मी ढकाल, अक्कल बहादुर लामा र धु्रवप्रसाद सञ्जेल चयन भएका छन् ।  लेखा समितिको संयोजकमा कुमारमणी दाहाल र सदस्यमा जयप्रकाश घिमिरे र दुर्गाकुमारी सञ्जेल चयन भएका छन् ।  साधारण सभाको उदघाटन कार्यक्रममा संस्थाका कोषाध्यक्ष खडानन्द चौलागाईले आर्थिक प्रतिवेदन र सुनगाभा शिक्षा निकेतन विद्यालय व्यवस्थापन समिति अध्यक्ष हिमाल पौडेलले विद्यालयको शैक्षिक प्रतिवेदन पेश गरेका थिए । मध्यमान्चल क्षेत्रीय शिक्षा निर्देशनालयका उपनिर्देशक बद्रीबहादुर पाठकको प्रमुख आतिथ्यता एवम संस्थाका अध्यक्ष बासुदेव अधिकारीको अध्यक्षतामा साधारणसभा भएको थियो । 

भेलामा हेटौडा–६ का वडा अध्यक्ष अर्जुनप्रसाद चौलागाई, मकवानपुर उद्योग वाणिज्य संघ वाणिज्य तर्फका उपाध्यक्ष  कृष्ण अग्रवाल, पूर्व वडा अध्यक्ष त्रिविक्रम मानन्धर, बंशगोपाल माविका प्रधानाध्यापक रमेशप्रसाद लामिछाने, संचारकर्मी भीमसेन पौडेल, धु्रवप्रसाद चौलागाई, तारानाथ खतिवडा लगायतकाले मन्तव्य व्यक्त गरेका थिए । २०५७ सालमा स्थापना भएको विद्यालयमा हाल कक्षा १० सम्म ६ सय विद्यार्थीहरु अध्ययनरत छन् ।