पाटन संयुक्त क्याम्पसमा नेविसंघका कपाली विजयी

२१ बैशाख, हेटौंडा। त्रिभुवन विश्वविद्यालयको आङ्गिक क्याम्पसको रुपमा रहेको पाटन संयुक्त क्याम्पसको स्वतन्त्र विद्यार्थी युनियनको निर्वाचनमा  नेपाल विद्यार्थी सङ्घका प्यानलका सबै उम्मेदवार निर्वाचित भएका छन्।
शनिबार सम्पन्न निर्वाचनमा स्ववियु सभापतिमा ने वि संघका रोहित कपालीको प्यानल नै निर्वाचित भएको छ । कपालीले ९०६ मत प्राप्त गर्दा उनका प्रतिस्पर्धी अनेरास्ववियुका तीलकबहादुर कुमालले ३६५ मत पाए।अखिल क्रान्तिकारीका दीपक कुमार रानामगरले १५३ मत प्राप्त गरेका छन्। 

त्यसैगरी  सचिवमा ने वि संघका रुपक न्यौपाने विजयी भएका छन् । उनले ५४७ मत ल्याएका छन् भने अनेरास्ववियुका नितिन पाण्डेयले ४८६ मत पाए भने अखिल क्रान्तिकारीका टीकाराम खत्रीले ४५६ मत पाएका थिए । त्यसैगरी कोषाध्यक्षमा नेविसंघका प्रज्वल तामाङ विजयी भए  उनले ५९२ मत ल्याउदा अनेरास्ववियुका सुष्मा शाहीले ४४९  र अखिल क्रान्तिकारीका उदय पोख्रेलले ३६२ मत ल्याए। नेविसंघबाट राम दाहाल, दिपेन्द्र अगरेजा मगर, प्रल्हाद कटुवाल, विशाखा शाही, जेनिश शाह, रोशन खत्री र रिशब भगत सदस्य निर्वाचित भए भने अनेरास्ववियुका माधव पाण्डे भएका छन्। शनिबार सम्पन्न भएको मतदानमा १ हजार ६७७ मत खसेको थियो।