धमाधम सचेतनामुलक कार्यक्रम गर्दै अछाम प्रहरी

१४ जेठ, मंगलसेन।विद्यालयमा पुगेर पछिल्लो केही दिनदेखि अछाम प्रहरीले धमाधम सचेतनामुलक कार्यक्रम गर्दै आएको छ । 
जिल्ला प्रहरी कार्यालय अछाम ले जेठ ७ गते षोड्सा मा वि, १२ गते मंगला नेपाल माध्यमिक विद्यालयमा १३ गते पिङ्गला मा वि मा सचेतनामुलक कार्यक्रम सम्पन्न गरेको जिप्रका अछामले १४ गते बुधबार जिल्लाको चौरपाटी गाउँपालिका वडा नम्बर ७ मार्कु  स्थित श्री शान्ति देवी मा विमा सामाजिक विकास कार्यालय अछामको आयोजना सचेतनामुलक कार्यक्रमको सम्पन्न गरेको हो। 

सामाजिक विकास कार्यालय अछामका प्रमुख डम्बर बहादुर रावलको अध्यक्षतामा, चौरपाटी गाउँपालिका वडा नम्बर ७का वडाध्यक्ष ललित बोगटी र  विद्यालयका प्रधानाध्यापक प्रेम बहादुर वोगटीको आतिथ्यतामा  कार्यक्रम सम्पन्न भएको हो। 
कार्यक्रममा अछाम प्रमुख प्रहरी नायव उपरीक्षक ईश्वरी प्रसाद भण्डारीले सामुदायिक प्रहरी साझेदारी कार्यक्रम अन्तर्गत वालबिबाहको परिचय, वालविवाहको असर, कानूनी कारवाही, बहुबिबाह, बहुविवाह गरेमा वा गराएमा हुने कानूनी सजाय, यौन दुर्व्यवहार, यौन दुर्व्यवहार गरेमा हुने सजाय, घरेलु हिंसा, घरेलु हिंसा गरेमा हुने कानूनी सजाय तथा छाउपढी प्रथा न्युनिकरणका उपायहरु र कानुनी व्यवस्था सम्बन्धमा सहजिकरण गरेका थिए।
कार्यक्रममा अभिभावक, जनप्रतिनिधी, विद्यालयका शिक्षक / शिक्षिकाहरु र  विद्यालयमा  कक्षा ९ देखि ११ मा अध्ययनरत करिब ६१ जना विद्यार्थीहरूको सहभागिता रहेको थियो।