महोत्सवले आर्थिक गतिविधि बढाउँछ : पौडेल

नागरिक अभिनन्दन ग्रहण गर्दै मूख्यमन्त्री डोरमणी पौडेल ।

१६ फागुन, हेटौँडा । प्रदेश नम्वर ३ को मुख्यमन्त्रि डोरमणी पौडेलले स्थानीयस्तरमा भएका महोत्सवले आर्थिक गतिविधि बढाउने बताएका छन् । उनले देशको आर्थिक समृद्विका लागि स्थानीय आर्थिक गतिविधिले सहयोग पुर्याउने समेत बताए । 
मकवानपुरको वकैया गाउँपालिकामा बुधबारबाट शुरु भएको बकैया महोत्सवको उद्घाटन गर्दै पौडेलले यस्तो बताएका हुन् । पौडेलले महोत्सवले स्थानीय उत्पादनको प्रवद्र्वन हुने बताए । बुद्ध युवा क्लब हात्तिसुँडेको आयोजनामा भएको महोत्सवको उद्घाटन समारोहमा आन्तरिक मामिला तथा कानुन मन्त्री शालिकराम जमरकट्टेल,  प्रतिनिधिसभा सदस्य कृष्णप्रसाद दाहाल लगायतले मन्तव्य व्यक्त गरेका थिए ।
कार्यक्रममा मूख्यमन्त्री पौडेललाई बकैया गाउँपालिका अध्यक्ष दामोदर खनाल र आयोजक समितिका संयोजक विजय थिङले नागरिक अभिनन्दन गरेका थिए । कार्यक्रममा पत्रकार धर्मेन्द्र दाहाललाई प्रथम बकैया पत्रकारिता पुरस्कारले सम्मान समेत गरिएको छ । करिब १ लाख जनाले अवलोकन गर्ने लक्ष्या राखिएको महोत्सवलाई सफल बनाउनको लागि स्थानीय तहबाट ठूलो सहयोग समेत प्राप्त गरेको संयोजक थिङले बताए ।
महोत्सबमा १५० स्टल रहेको आयोजकले जनाएको छ ।