मकवानपुरका सबै पालिकाको नीति तथा कार्यक्रम सार्वजनिक

१० असार, हेटौंडा। मकवानपुरका सबै जसो स्थानीय तहले  मंगलबार नीति तथा कार्यक्रम सार्वजनिक गरेका छन्। 
जील्लाको भीमफेदी गाउँपालिकाले आगामी आर्थिक वर्षको नीति तथा कार्यक्रम  प्रस्तुत गरेको छ।पालिका अध्यक्ष हिदम लामाको अध्यक्षतामा भएको कार्यक्रममा उपाध्यक्ष संजीव श्रेष्ठले नीति तथा कार्यक्रम र बजेट प्रस्तुत गरेका हुन् ।गाउँपालिकाले आगामी आव का लागि ९० करोड ६ लाखको बजेट ल्याएको छ । पालिकाले चालु आर्थिक वर्षमा ८५ करोड ४५ लाख ८७ हजार ९ सय ९८ रुपैयाँ २० पैसाको बजेट  ल्याएको थियो। त्यसैगरी  राक्सिराङ गाउँपालिकाले पनि आजै नीति तथा कार्यक्रम प्रस्तुत गरेको छ। पालिका उपाध्यक्ष वनस्तम थिङले आगामी आर्थिक वर्ष २०८२/०८३ का लागि ६३ करोड ५२ लाख ३१ हजार २ सय ८९ रुपैयाँको अनुमानित बजेट प्रस्तुत गरेका छन ।यता मकवानपुरको इन्द्रसरोवर गाउँपालिकाले पनि  आगामी आर्थिक वर्ष २०८२/८३ का लागि नीति तथा कार्यक्रम तथा बजेट पारित गरेको छ । गाउँपालिकाका उपाध्यक्ष उमाकुमारी लामाले गाउँसभामा आगामी आवका लागि ४१ करोड ७२ लाख रुपैयाँको अनुमानित बजेट प्रस्तुत गरेकी थिइन् । उक्त बजेटमध्ये ४ करोड ३८ लाख ३८ हजार रुपैयाँ आन्तरिक स्रोतबाट सङ्कलन गरिने र बाँकी रकम सङ्घ तथा प्रदेश सरकारबाट प्राप्त हुने अनुदान र राजस्व बाँडफाँडबाट जुटाइने उल्लेख गरिएको छ। त्यसैगरी मकवानपुरगढी गाउँपालिका र बकैया गाउँपालिकासे पनि आगामी आर्थिक वर्षका लागि नीति तथा कार्यक्रम प्रस्तुत गरेका छन्। मकवानपुरगढी गाउँपालिका आगामी आर्थिक वर्षको लागि ७४ करोड ५ लाख ८४ हजार बजेट विनियोजन गरेको छ। मकवानपुरको मनहरी गाउँपालिकाले आर्थिक वर्ष २०८२/८३ का लागि ८७ करोड ७२ लाख ३९ हजार रुपैयाँको बजेट प्रश्तुत गरेको छ ।

यस अघि मकवानपुरको थाहा नगर, बागमती गाउँपालिकाले ७ गतेनै निती तथा कार्यक्रम सार्वजनिक गरिसकेका छन्।