फरेष्ट्रि ईन्टर टेक्निकल गोल्डकपमा रामपुर र पोखरा विजयी

१८ फागुन,हेटौँडा । हेटौँडामा जारी सुशिल कोइराला स्मृति फरेष्ट्रि ईन्टर टेक्निकल गोल्डकप फुटबल प्रतियोगतामा एएफयु रामपुर विजयी भएको छ । शुक्रबार भएको प्रतियोगितामा आयोजक फरेष्ट्री निलोलाई ट्राइबेकरमा ४–२ ले हराउँदै रामपुर विजयी भएको हो । प्रतियोगिताको पहिलो हाफमा रामपुरको तर्फबाट सुदिप सुवेदी र मिनथापा मगरले १/ १ गोल गर्दै टिमलाई अग्रता दिलाएका थिए । दोस्रो हाफमा फरेष्ट्र निलोको तर्फबाट सुपेन लामा र लबज डाीले गोल गर्दै खेललाई बराबरी गरे । निर्धारित समयमा खेल बराबरी भएपछि ट्राइबेकरमा रामपुरले ४–२ ले बिजयी भएको हो । प्रतियोगितामा फरेष्ट्रीका दिपक खड्का म्यान अफ द म्याच घोषित भए । शुक्रबार नै भएको अर्को खेलमा पोखरा युनिभर्सिटी विजयी भएको छ । इलामको हर्टिकल्चरलाई ३–० गोल अन्तरले हराउँदै पोखरा युनिभर्सिटी विजयी भएको कार्यक्रम संयोजक मनोज बुर्लाकोटीले जानकारी दिए । युनिभर्सिटीको लागि असीम रञ्जीत, अनुप लामिछाने र प्रिन्स तुलाचनले गोल गरेका थिए । उक्त प्रतियोगिताको म्यान अफ द म्याच युनिभर्सिटीका आशिष केसी घोषित भए । प्रतियोगितामा शनिबार पथलैयाँ क्याम्पस विरुद्ध पोखरा युनिभर्सिटी ‘बी’ बीच खेल हुने बुर्लाकोटीले जानकारी दिए । नेपाल बिद्यार्थी संघ कृषि तथा वनविज्ञान विश्वविधालय वन संकाय हेटौडाले आयोजना गरेको गोल्डकपमा विभिन्न ९ क्याम्पसका टिमले सहभागिता जनाएका छन् । खेलको बिजेताले नगद १ लाख र उपबिजेताले ५० हजार नगद पुरस्कारसहित शिल्ड, मेडल र प्रमाणपत्र प्राप्त गर्ने छन् ।र उपबिजेताले ५० हजार नगद पुरस्कारसहित शिल्ड, मेडल र प्रमाणपत्र प्राप्त गर्ने छन् ।