सिद्धार्थ माविको एसइई नतिजा ६७ प्रतिशत : विद्यार्थीलाई नगद सहित सम्मान

१९ असार,हेटौँडा । हेटौैंडा–२ सिद्धार्थपथमा रहेको सिद्धार्थ माविबाट २०८१ सालको एसईई परीक्षामा ६७ प्रतिशत विद्यार्थी उत्तीर्ण गराउन सफल भएको छ। विद्यालयले विशिष्ट जिपिए सहित उत्कृष्ट भएका विद्यार्थीहरुलाई विद्यालय र २ नम्बर वडा कार्यालयले  संयुक्त रुपमा पुरस्कृत र सम्मान गरेको छ। बिहीबार विद्यालयमा एक कार्यक्रमको आयोजना गर्दै संयुक्त रुपमा वडा कार्यालय र विद्यालयले विद्यार्थीलाई पुरस्कृत गरेको हो ।

 ३.६१ देखी ४ जिपीए ल्याउने अनुज पौडेल, उज्जवल रेग्मी, गौरव घलान, सावन्त यादव, अन्जली घिमिरे, दिपा न्यौपानेलाई नगद ५ हजार, प्रशासपत्र, खादाले सम्मान गरिएको थियो। त्यसैगरी ३.२१ देखि ३.६ जिपिए ल्याउने र बिषयगत परीक्षामा २.६१ जिपिए प्राप्त गर्ने विद्यार्थीलाई प्रशंसापत्रले सम्मान गरेको हो ।
विद्यालयमा २०८१ को एसइई परीक्षामा सहभागी १४० जना विद्यार्थीमध्ये ३.६१ देखि ४ जिपिए ल्याउने  ६ जना, ३.२१ देखि ३.६ जिपिए ल्याउने ३१ जना, २.८१ देखि ३.२० ल्याउने २८ जना, २.४१ देखि २.८० जिपिए ल्याउने २९  सहित ९४ जना विद्यार्थी उत्तीर्ण भएको विद्यालयलका प्रध्यानाध्यापक परमानन्द सरोज कर्णले जनाएका छन् । यसैगरी बधाई तथा सम्मान कार्यक्रममा विभिन्न विषयमा उत्कृष्ट अंक वा जिपिए हासिल गर्ने १५ जना विषयगत शिक्षकलाई खादा, प्रशंसापत्र, डायरी र कलमले सम्मान गरिएको थियो।

विद्यालयका प्रधानाध्यापक परमानन्द सरोज कर्णको सभाध्यक्षतामा भएको बधाई तथा सम्मान कार्यक्रममा हेटौंडा वडा नम्बर २का वडाध्यक्ष विष्णु गोपाल महर्जनको प्रमुख आतिथ्यता र शिक्षा समन्वय इकाई मकवानपुरका प्रमुख सुदिप गिरीको विशिष्ट आतिथ्य रहेको थियो। 

कार्यक्रममा बोल्दै  प्रमुख अतिथि वडाध्यक्ष मर्हजनले २ नम्बर वडामा एक मात्र सामुदायिक विद्यालय रहेकोले यस वर्षको नतिजाले खुशी तुल्याएको र मेहनत गर्ने विद्यार्थी र शिक्षकलाई धन्यवाद ज्ञापन गरेका थिए।
उनले २०८२ को एसइई परीक्षामा यस  वर्षको नतिजा कायम गर्दै उत्तीर्ण संख्या बढाउने कुरामा आफू आशावादी रहेको जनाएका छन्।
कार्यक्रमका विशिष्ट अतिथि शिक्षा विकास समन्वय इकाई मकवानपुरका प्रमुख  सुदिप गिरीकले जिल्लाकै उत्कृष्ट मानिएको विद्यालयको नतिजाले सबैलाई खुशि तुल्याएको बताए। उनले शिक्षक र विद्यार्थीको सहकार्यले नतिजा संम्भव रहेको बताएका छन् । सम्मान कार्यक्रममा हेटौंडा  २  नम्बर वडा सदस्य सुरज बतौँला,इन्द्र रिजाल,विद्यालय व्यवस्थापन समितिका निवर्तमान अध्यक्ष बलराम घिमिरे, सदस्य पिताम्बर बास्तोला, सिदार्थ ल क्याम्पसमा सहायक क्याम्पस प्रमुख राजु गौतम, अभिभावक र शिक्षक कर्मचारी लगायतको आतिथ्यता रहेको थियो ।