सुनगाभाद्वारा विद्यार्थी र शिक्षकलाई सम्मान

२० असार, हेटौंडा । हेटौंडा-६ चौघडामा रहेको सुनगाभा शिक्षा निकेतनले शुक्रबार विद्यार्थी र शिक्षकलाई सम्मान गरेको छ । विद्यालयले एसईईमा उतिर्ण विद्यार्थी र कक्षा १० मा अध्यापन गर्ने शिक्षकहरूलाई सम्मान गरेको हो ।

विद्यालयले यसबर्षको एसईईमा उतिर्ण २१ जना विद्यार्थी र उत्कृष्ट नतिजा ल्याउन योगदान गर्ने कक्षा १० मा अध्यापन गर्ने ६ जना शिक्षकलाई सम्मान गरेको छ ।

विद्यालय व्यवस्थापन समितिका अध्यक्ष रामहरी न्यौपानेको सभाध्यक्षतामा भएको कार्यक्रममा हेटौंडा-६ का वडा सदस्य बिजय पौडेल, सुनगाभा बहुउद्देश्यीय सहकारी संस्थाका उपाध्यक्ष साधुराम चौलागाईं, विद्यालयका पूर्व अध्यक्ष हिमाल पौडेल, विद्यालयका प्रवन्ध सञ्चालक खडानन्द चौलागाईं, शिक्षक अभिभावक संघकी संयोजक लक्ष्मी कर्माचार्य, विद्यालयका प्रधानाध्यापक अरूणकुमार पराजुली, शिक्षकहरूको तर्फबाट रचना बज्राचार्य, विद्यार्थीहरूको तर्फबाट शिक्षा दुलाल र कौशल पुडासैनी लगायतले मन्तव्य व्यक्त गरेका थिए ।

कार्यक्रममा बोल्दै विद्यालयका संचालकहरूले सिमित स्रोतसाधनकाबीच पनि सुनगाभाले जिल्लामै दोस्रो स्थान हासिल गर्नु सामुहिक मेहनतको प्रतिफल भएको बताएका थिए । उनीहरूले अहिलेको नतिजालाई थप सुधार गर्दै आगामी दिनमा उत्कृष्टतातर्फ अघि बढ्न सबैको साथ र सहकार्यमा जोड दिने बताए ।

२१ जना विद्यार्थी एसईईमा सहभागी गराएको सुनगाभाले सतप्रतिशत नतिजा हात पारेको थियो । विद्यालयका ७ जना विद्यार्थीले ए प्लस, ११ जनाले ए र ३ जनाले बि प्लस ग्रेड ल्याएका थिए ।