बानियाँ नेतृत्व सरकारमा नियुक्त ८ मन्त्रीको सपथ

२० साउन, हेटौंडा। इन्द्र बहादुर बानियाँ नेतृत्वको बागमती प्रदेश बिस्तर भएको छ। मंगलबारनै मुख्यमन्त्रीमा नियुक्त भएका बानियाँले मन्त्रिमण्डल बिस्तर गर्दै मन्त्रीहरुको कार्य विभाजन तोकेका छन्। 
बानियाँ नेतृत्व सरकारमा नेपाली कांग्रेसको २ र नेकपा एमालेका ६ जना मन्त्रिले सपथ लिएसँग प्रदेश मन्त्रिपरिषद विस्तार भएको हो।
प्रदेशमा कांगेसबाट कृष्ण कुमार तामाङ र शिवराज अधिकारी मात्र मन्त्रि बनेका छन् भने एमालेबाट मधुसुधन पौडेल, किरण थापा मगर, भरत बहादुर केसी, डा. दिनेश चन्द्र देवकोटा र बिन्दु श्रेष्ठ मन्त्रि बनेका छन् ।

उनीहरुलाई बागमती प्रदेशका प्रदेश प्रमुख दीपक प्रसाद देवकोटा आइतबार प्रदेश प्रमुखको कार्यालयमा पद तथा गोपनियताको सपथ ग्रहण गराएका छन्।कांग्रेसका तर्फबाट मन्त्रि बनेका शिवराम अधिकारीको मन्त्रालय पछि तोकिने जनाइएको छ भने कांग्रेसबाट मन्त्री बनेका कृष्ण कुमार तामाङलाई खानेपानी मन्त्रीको जिम्मेवारी दिइएको छ। 
नेकपा एमालेका तर्फबाट  मधुसुधन पौडेललाई कृषि तथा पशुपन्छी विकास मन्त्रालय, डाक्टर दिनेश चन्द्र देवकोटालाई भौतिक पूर्वाधार विकास मन्त्रालय, बिन्दु श्रेष्ठलाई उद्योग, वाणिज्य तथा भुमि प्रशासन मन्त्रालय, जयराम थापालाई श्रम, रोजगार तथा यातायात मन्त्रालयको जिम्मेवारी दिइएको छ, किरण थापा मगरलाई स्वास्थ्य मन्त्रालयको जिम्मेवारी दिइएको छ भने भरत बहादुर केसीलाई वन तथा वातावरण मन्त्रालयका जिम्मेवारी दिइएको छ। 
सपथ ग्रहण कार्यक्रममा सभामुख भुवन पाठक, मुख्यमन्त्री इन्द्र बहादुर बानियाँ, पूर्व मुख्यमन्त्री डोरमणि पौडेल, निवर्तमान मुख्यमन्त्री बहादुर सिंह लामा गमती प्रदेशका मन्त्री, बागमती प्रदेशका प्रमुख सचिव भुपाल बराल ,मन्त्रालयका सचिवहरू, सुरक्षा निकायका प्रमुखहरुको उपस्थिती रहेको थियो।

यस्तो छ मन्त्रीहरुको कार्य विभाजन