मूख्यमन्त्री बानियाँद्वारा गरिवी निवारण सहकारीको भवन उद्घाटन

२ भदौ, हेटौंडा । हेटौंडा-६ हात्तिलेटमा रहेको गरिवी निवारण बचत तथा ऋण सहकारी संस्था लिमिटेडको सहकारी भवन उद्घाटन भएको छ । बागमती प्रदेशका मूख्यमन्त्री इन्द्रबहादुर बानियाँले उद्घाटन गरेका हुन् ।
कार्यक्रममा बोल्दै मूख्यमन्त्री बानियाँले सहकारी संस्थाको स्थापनाले समुदायमा रहेको पुँजी परिचालनमार्फत गरिबी निवारणमा टेवा पुगेको बताए । उनले पछिल्लो समय केही सहकारीका कारण यस क्षेत्रबारे नकारात्मक धारणा पैदा भएपनि समग्रमा सहकारी संस्थाले आर्थिक एवं सामाजिक रूपान्तरणमा मद्दत गरेको बताए । उनले बागमती प्रदेश सरकार सहकारी क्षेत्रको प्रवर्द्धनका लागि सधैं सकारात्मक रहेको स्पष्ट पारे ।
सहकारी संस्थाका अध्यक्ष कृष्णप्रसाद सापकोटाको सभाध्यक्षतामा भएको २५ औं साधारणसभा, स्थापना दिवस, रजत जयन्ती, स्मारिका विमोचन एवं भवन उद्घाटन कार्यक्रममा मूख्यमन्त्री बानियाँले संस्थाले प्रकाशन गरेको स्मारिका विमोचन गरेका थिए ।
कार्यक्रममा भवन निर्माणमा सहयोग गर्ने हेटौंडा ६ नम्बर वडा कार्यालय, संस्थाका संस्थापक अध्यक्ष शिवप्रसाद खनाल, प्रस्तावक अध्यक्ष रामकृष्ण तिवारी, पूर्व अध्यक्ष श्रीराम खतिवडा, निवर्तमान अध्यक्ष पुष्पराज पराजुली, संस्थापक शेयर सदस्यहरू, ज्येष्ठ सदस्यहरू गोपालप्रसाद दुलाल, धनप्रसाद पुडासैनी, कुलप्रसाद दुलाल, चन्द्रप्रसाद खतिवडा, सानीकान्छी भुजेल, असली ऋणी, बचतकर्ता लगायतलाई सम्मान गरिएको थियो ।
कार्यक्रममा हेटौंडा-६ का वडा अध्यक्ष विष्णुबहादुर दाहाल, संस्थापक अध्यक्ष शिवप्रसाद खनाल, प्रस्तावक अध्यक्ष रामकृष्ण तिवारी, पूर्व अध्यक्ष श्रीराम खतिवडा, आधुनिक बचत तथा ऋण सहकारी संस्थाका अध्यक्ष कृष्णप्रसाद सापकोटा, संस्थाका उपाध्यक्ष रिपुप्रसाद गौतम, कृष्णप्रसाद दुलाल लगायतले मन्तव्य व्यक्त गरेका थिए ।
कार्यक्रममा संस्थाका अध्यक्ष कृष्णप्रसाद सापकोटाबाट आव २०८२/०८३ प्रस्तावित नीति तथा कार्यक्रम, सचिव शरदकुमार श्रेष्ठबाट बार्षिक प्रगति प्रतिवेदन, लेखा सुपरिवेक्षण समितिका संयोजक शिवप्रसाद गौतमबाट लेखा प्रतिवेदन प्रस्तुत भएको थियो ।