इप्रका पशुपतिनगरको एरियामा जिल्लाको सर्च :अवैध कपडा र लङ्गुरबुर्जा खेल्ने पक्राउ

हेटौंडा ८ बाट बरामद गरेको नगद सहित लङ्गुरबुर्जा

२४ असोज, हेटौंडा। नयाँ नेतृत्व पाएको जिल्ला प्रहरी कार्यालय मकवानपुरले जिल्लामा आउने अवैध सामान र प्रतिबन्धित खेल खेलाउनेलाई पक्राउमा चासो देखाएको छ।मकवानपुरमा भर्खरै सरुवा भएर आएका एसपी सुवास चन्द्र बोहोरा नेतृत्व मकवानपुर प्रहरीले 
टोलीले गए राति इप्रका पशुपतिनगरको एरियाबाट सर्च अप्रेशन गरेरे अवैध रुपमा भित्र्याइएको ठुलो परिणामको कपडा, प्रतिबन्धित पटका र हार जित हुनेगरी लङ्गुरबुर्जा खलाउने र खेल्ने ५ जनालाई पक्राउ गरेको छ। बिहीबार राति जिल्ला प्रहरी कार्यालय मकवानपुरबाट प्रहरी निरीक्षकको नेतृत्वमा गएको प्रहरी टोलीले हेटौंडा १५ रातोमाटेबाट अवैध कपडा, पटका बरामद गरेको हो भने हेटौंडा ८ कमानेबाट हारजित हुने गरी लङ्गुरबुर्जा खेल्ने र खेलाउने ५ जनालाई पक्राउ गरेको हो। यो दुवै एरिया इलाका प्रहरी कार्यालय पशुपतिनगरको मताहतमा पर्दछ । इप्रका पशुपतिनगरको इन्चार्ज प्रहरी निरीक्षकनै रहेका छन्।
यसरी आफ्नै एरियामा हुने यस्ता गतिविधिले इप्रका पशुपतिनगरको कार्यप्रति प्रश्न चिन्ह खडा गरेको छ।
यता बरामद गरेको सामान शुक्रबार बिहान जिल्ला प्रहरी कार्यालय मकवानपुरले सार्वजनिक गरेको छ भने 
प्रहरीले ५ जनालाई  लङ्गुरबुर्जाको गट्टी र खालको एक सेट र ३ लाख ९ हजार ६५ नगदसमेत बरामद गरिएको  जनाएको छ। मकवानपुर प्रहरी प्रवक्ता, प्रहरी नायब उपरीक्षक पुष्कर बोगटीका अनुसार पक्राउ परेकाहरूमाथि थप अनुसन्धान भइरहेको जनाएका छन्।