बहुआयामिक आयआर्जन उपसमितिको संयोजकमा पुडासैनी

२९ कार्तिक, हेटौंडा । चुच्चेखोला सामुदायिक वन उपभोक्ता समूहद्वारा संचालित बहुआयामिक आयआर्जन उपसमितिको संयोजकमा केदार पुडासैनी चयन भएका छन् । 
उपसमितिको शनिबार भएको चौथो बार्षिक साधारणसभाले पुडासैनीको संयोजकत्वमा नयाँ समिति चयन भएको हो । समितिको उपाध्यक्षमा राधिका विडारी, सचिव सावित्री तिमल्सिना, कोषाध्यक्ष यशोदा घिमिरे ढुंगाना र सदस्यहरूमा देवु अधिकारी, नारायणी लामिछाने, पातलीमाया गोले, करिषा बुढाथोकी कार्की, सरिता राई, भवानी दुलाल न्यौपाने र रन्जना प्रजा रहेका छन् ।
कार्यक्रममा उपसमितिकी अध्यक्ष सरिता खड्काबाट बार्षिक प्रतिवेदन, सचिव केदार पुडासैनीबाट लेखापरीक्षण प्रतिवेदन र कोषाध्यक्ष सावित्री तिमल्सिनाबाट कोषाध्यक्ष प्रतिवेदन प्रस्तुत गरेका थिए । कार्यक्रममा उपसमितिकी पूर्व लक्ष्मी वास्तोलालाई सम्मान गरिएको थियो ।
हेटौंडा-१७ का वडा सदस्यको प्रमख आतिथ्यता एवं उपसमितिकी अध्यक्ष सरिता खड्काको सभाध्यक्षतामा कार्यक्रम भएको हो ।
कार्यक्रममा चुच्चेखोला सामुदायिक वन समूहका  अध्यक्ष एवं उपसमितिका संरक्षक लक्ष्मण कटुवाल, उपाध्यक्ष उमेश अधिकारी, नारी चेतना बचत तथा ऋण सहकारी संस्थाका अध्यक्ष राधिका गौतम, पत्रकार रूपेश दुलाल, वन समूहकी सचिव राधिका विडारी कार्यालय सचिव केदार गौतम लगायतले मन्तव्य व्यक्त गरेका थिए ।
उपसमितिमा ३५८ जना आवद्ध रहेका छन् ।