प्रदेश राजधानी हेटौँडा नै हुन्छ : प्रचण्ड

७ चैत, हेटौँडा । नेकपा माओवादी केन्द्रका अध्यक्ष पुष्पकमल दाहाल प्रचण्डले ३ नम्बर प्रदेशको राजधानी हेटौँडा नै हुने दावि गरेका छन् ।
बुधबार हेटौँडामा पत्रकार भेटघाट कार्यक्रममा बोल्दै उनले एउटा प्रदेशले बाहेक अन्य प्रदेशले राजधानीको टुंगो नलगाएको भन्दै उनले ३ नम्बर प्रदेशको राजधानी हेटौँडा नै हुने दावि गरेका हुन् ।

उनले अघिल्लो सरकारले अस्थायी राजधानी घोषणा गरेर काम समेत संचालन भईसकेको अवस्थामा अब राजधानी अन्यत्र सर्छ भन्ने हल्लाको पछि नलाग्न उनको आग्रह थियो । ‘६ वटा प्रदेशले नामांकन र राजधानीको टुंगो लगाउनुपर्ने छ ।’–उनले भने–‘यसबारे छलफल त चलिरहको छ तर प्रदेशको काम समेत शुरु भईसकेको अवस्थामा ३ नम्बर प्रदेशको राजधानी हेटौँडा नै उपयुक्त छ ।’ नामांकन र राजधानीबारे पार्टीले ह्विप जारी गर्छ कि भन्ने संचारकर्मीहरुको जिज्ञासामा उनले यसबारे प्रदेश सभा यसबारे निर्णय गर्न स्वतन्त्र रहेको समेत स्पष्ट पारे । उनले नेकपा एमाले र नेकपा माओवादीबीच पार्टी एकता हुनेमा ढुक्क हुन आग्रह गरे ।

अध्यक्ष दाहालले पार्टी एकताका लागि गठन भएका दुई कार्यदलले आफ्नो काम अन्तिम चरणमा पु¥याएको बताउँदै छिट्टै पार्टी एकता हुने दावि गरे । उनले कार्यदलले कम्युनिष्ट पार्टी स्थापना दिवसको अवसर पारेर एकताको घोषणा गर्न सुझाव दिएपछि एमाले अध्यक्ष केपि शर्मा ओली र आफु त्यस अघि नै एकता गर्ने सोचमा रहेको बताए ।