दुव्र्यवहारको विरोधमा ट्रेड युनियनद्वारा ज्ञापनपत्र

३१ भदौ, हेटौँडा । मध्यमाञ्चल क्षेत्रीय स्वास्थ्य निर्देशनालयमा विहिबार ट्रेड युनियनकर्मीमाथि भएको दुव्र्यवहारको विरोधमा मकवानपुरको आधिकारिक ट्रेड युनियनले शुक्रबार मकवानपुरका प्रमुख जिल्ला अधिकारीलाई ज्ञापनपत्र बुझाएको छ ।
जिल्लाका निजामति कर्मचारीको आधिकारिक ट्रेड युनियन, ट्रेड युनियन र स्वास्थ्यसम्बन्धी पेशागत संगठनले संयुक्त रुपमा प्रजिअ मानबहादुर विकेमार्फत क्षेत्रीय प्रशासकलाई ज्ञापनपत्र बुझाएका हुन् । स्वास्थ्यकर्मी पक्राउ गरेको घटनाबारे बुझ्न गएका टे«ड युनियन र पेशागत संगठनका पदाधिकारीलाई क्षेत्रीय निर्देशक रमेशविक्रम सिंहले प्रहरी परिचालन गरी नियन्त्रणमा लिन लगाएकोमा उनीहरुले विरोध गरिएका छन् । 
ज्ञापनपत्र बुझाउँदै उनीहरुले सिंहले घटनाबारे बुझ्न गएका टे«ड युनियनकर्मीलाई दुव्र्यवहार गर्नुले घटनामा उनको समेत संलग्नता रहेको हुन सक्ने आशंका गरे । ज्ञापनपत्रमा किर्ते कागजमा सरुवा प्रकरणको यथार्थ छानविन नसकिएसम्म निर्देशक सिंहलाई समेत काम गर्न नदिन माग गरिएको छ । कार्यालयको कागजात दुरुपयोग हुनुले आशंका उव्जिएको भन्दै टे«ड युनियनकर्मी र पेशागत संगठनले यसलाई समेत छानविनको दायरामा ल्याउन माग गरेका छन् । 
पक्राउ परेका स्वास्थ्यकर्मीलाई यथाशिघ्र कानूनी प्रक्रिया पुरा गरी हिरासत मुक्त गर्न र बाहिर राखेर अनुसन्धान गर्न समेत आग्रह गरिएको छ । स्वास्थ्यकर्मीलाई अनावश्याक दुःख नदिन समेत ज्ञापनपत्रमा उल्लेख गरिएको छ ।

तस्विर सौं. उत्सव चौलागाई