हेटौँडा सिमेन्ट खानीमा अवरोध कायमै

१२ चैत, हेटौंडा । सरकारी स्वामित्वको हेटौंडा सिमेन्ट उद्योगको मकवानपुरगढी गाउँपालिकास्थित वडा नम्बर ५ मा रहेको मजुवा खानी सञ्चालनका लागि सुझाव दिन गठन भएको कार्यदलले प्रतिवेदन बुझाउन सकेको छैन ।

एक हप्ताभित्र प्रतिवेदन पेश गर्ने गरी कार्यदल गठन गरिएको भएपनि कार्यदलले एक महिना हुन लाग्दा समेत प्रतिवेदन बुझाउन नसकेको हो । जिल्ला समन्वय समिति मकवानपुरमा फागुन १५ गते बसेको सरोकारवालाहरुको बैठकले जिल्ला प्राविधिक कार्यालय मकवानपुरका प्रमुख जिल्ला इन्जिनियर सोमनाथ तिमल्सिनाको संयोजकत्वमा समिति गठन गरेको थियो । खानी सञ्चालनमा उत्पन्न समस्या समाधान गर्न सुझाव दिन समिति गठन भएको थियो । समितिमा वातावरण, भुगर्भ, सिभिल इन्जिनियर लगायतका विज्ञहरु रहेका छन् ।

सातदिनभित्र प्रतिवेदन पेश गर्ने गरी कार्यदल गठन भएको स्विकार्दै प्रमुख जिल्ला इन्जिनियर तिमल्सिनाले समितिमा रहेकाहरुको व्यक्तिगत समस्या लगायतका कारणले काम अघि नबढेको जानकारी दिए । उनले केही दिनमै प्रतिवेदन तयार गरिने बताए । गाउँपालिकाका पदाधिकारीसहित स्थानीय खानी उत्खनन्मा अवरोध गरेपछि मजुवा खानीको उत्खननको जिम्मा पाएको बानियाँ–ओमसाई जेभि कम्पनीले क्षतिपूर्तिसहित ठेक्क सम्झौता रद्ध गर्न माग गेको छ ।

गढी गाउँपालिकाका अध्यष विदुर हुमागाईसहित स्थानीय जनप्रतिनिधिको अगुवाईमा मजुवा खानी सञ्चालनमा रोक लगाईदै आएको आरोप लाग्दै आएको प्रदेश दैनिकमा समाचार छ ।