जनकल्याणमा विमा सम्बन्धी अन्तरक्रिया

२९ बैशाख, हेटौँडा । हेटौडा–६, चौघडामा रहेको जनकल्याण बचत तथा ऋण सहकारी संस्थाले शनिवार शेयर सदस्यहरुको लागि बस्तु, सेवा र वीमा सम्बन्धी अन्तरक्रिया कार्यक्रमको आयोजना गरेको छ ।
कार्यक्रममा नेशनल लाईफ ईन्सोरेन्स कम्पनी लिमिटेड हेटौडाका प्रमुख नवराज अधिकारीले शेयर सदस्यहरुले संस्थाबाट ऋण लिदा गरिने वीमाका विषयमा सहजीकरण गरेका थिए । कार्यक्रमका सहभागीहरुले ऋणको रकम वीमा गर्दा गर्नु पर्ने प्रक्रियाहरुको बारेमा जिज्ञासा राखेका थिए ।
संस्थाका अध्यक्ष हिमाल पौडेलको प्रमुख आतिथ्यता एवम संस्थाका कोषाध्यक्ष चेतनाथ खतिवडाको अध्यक्षतामा कार्यक्रम भएको थियो । कार्यक्रममा संस्थाका उपाध्यक्ष श्यामप्रसाद भट्टराई, सचिव मीना अधिकारी, पूर्वअध्यक्ष रघुप्रसाद आचार्य,व्यवस्थापक प्रल्हाद शर्मा आचार्य, पूर्व सचिव रोमप्रसाद न्यौपाने, शेयर सदस्य नानीमैया राई, गोविन्द ढकाल, संचारकर्मी भीमसेन पौडेल लगायतकाले मन्तव्य व्यक्त गरेका थिए । कार्यक्रममा ३५ जना शेयर सदस्यहरुको सहभागिता रहेको थियो ।
२०५३ सालमा स्थापित यस संस्थामा हाल करीव १ हजार ८ सय शेयर सदस्य आवद्ध रहेका छन भने करीव १२ करोड रुपैँयाको कारोवार गरेको संस्थाले जनाएको छ ।