४१ दिनमै किन भयो त एसपि श्रेष्ठको सरुवा ?

सुनिल शिवाकोटी 
४ असार, हेटौँडा । मकवानपुर जिल्लाको शान्ति सुरक्षा कायम गर्न उल्लेखनीय भुमिका  खेल्न सफल  र मकवानपुरमा मौलाएको तस्करी न्यूनीकरण गर्न सफल भएका मकवानपुरका प्रहरी उपरीक्षक लोकेन्द्र  श्रेष्ठको जिल्लाको प्रहरी प्रमुखको पदभार ग्रहण गरेको ४१ दिनमै  सरुवा भएको विषयले मकवानपुरे जन्ताको मनमा प्रश्न उव्जिएको छ ।   आईतबार प्रहरी प्रधान कार्यालय   काठमाडौले  श्रेष्ठलाई काजमा फिर्ता बोलाएको हो ।  

सोमबार जिल्ला प्रहरी कार्यालय मकवानपुरमा  पत्रकार भेटघाटको मार्फत एसपी श्रेष्ठले आफ्नो ४१ दिने कार्य प्रगति विवरण पनि सार्वजनिक गर्दै  उनले मकवानपुर प्रहरी प्रमुखको जिम्मा समालेको दिन देखी जिल्लाको शान्ति सुरक्षा देखि अबैध लागु औषधको न्यूनीकरण, गोरुको अबैध ढुवानी , गैर कानुनी क्रसर उद्योग बन्द, विना दर्ता संचालनमा रहेका ट्युसन सेन्टर, व्युटिपार्लर संचालनमा कडाई लगाएतका  निकै महत्वपुर्ण काम गर्न प्रहरी सफल भएको बताए । त्यसैगरी एसपी श्रेष्ठले  गाँजा काट्ने मेसिन ल्याई ,प्रहरी कार्यालयबाटै सिसिटिभीले बिभिन्न सडकको निगरानी, फ्री वाइफाई, चोरीका मोवाइल र मोटरसाइकल फेला पारी धनिलाई जिम्मा लगाउने काम भएको बताए । 
उनले प्रहरीमा सरुवा भढुवा नियमित प्रकृया भएको भन्दै आफु जहा गएपनि शान्ति कायम गर्न लागने बताए । उनले मकवानपुर बसाईको ४१ दिन सफल भएको यस जिल्लाबाट धेरै कुरा सिक्न पाएको भन्दै आफ्नो मिसन सफल पार्न संचारकर्मीहरुको अल्लेखिय  सहयोग रहेको  भन्दै  संचारकर्मीहरुलाई धन्यवाद व्यक्त गरे  । प्रहरी प्रधान कार्यालयले उनको ठाउँमा बुद्धिराज गुरुङलाई  मकवानपुर पठाउने भएको छ ।   
त्यसैगरी  मकवानपुर प्रहरीका  डिएसपी दिलिपराज झाको पनि सरुवा भएको छ  । झाको महानगरी प्रहरी परिसर ललितपुर सरुवा भएको छ ।  डिएसपि झालाई   पनि मकवानपुरको शान्ति पकृयामा अब्बल मानिएको थियो । उनले मकवानपुरको करिब ११ महिनाको बसाईमा धेरै कुरा सिक्ने अबसर मिलेको बताए ।