कामधेनु सहकारीको कारोवार १ करोड ४४ लाख

१० साउन, हेटौंडा । हेटौडा–६,चुच्चेखोलामा रहेको कामधेनु बहुउद्धेश्यीय सहकारी संस्था लिमिटेडले आर्थिक वर्ष २०७४/०७५ मा १ करोड ४४ लाखको कारोवार गर्न सफल भएको छ । 
सहकारीले शेयर विक्रीबाट १ लाख ४४ हजार, निक्षेप संकलनबाट ४० लाख ३७ हजार,ऋण असुलीबाट ८४ लाख ७५ हजार, ऋण लगानीबाट व्याज असुली १५ लाख १ हजार,कर्जा व्यवस्थापनबाट १ लाख १८ हजार आम्दानी गर्न सफल भएको संस्थाका अध्यक्ष गौरवकुमार पराजुलीले बताए । नयाँ शेयर सदस्यताबाट ७ हजार, शेयर संस्कार मृतक कोषबाट २७ हजार र विलम्व शुल्कबाट ६१ हजार रुपैयाँ आम्दानी गरेको छ ।
संस्थाले ऋण लगानीमा १ करोड १८ लाख, निक्षेप फिर्तामा १७ लाख,साधारण सभामा ६९ हजार सहकारी शिक्षा शिविरमा ५ हजार, कर्मचारी तलवमा १ लाख २४ हजार, घरभाडामा २४ हजार,भवन निर्माणमा ३ लाख ४० हजार, मसलन्दमा ८ हजार,शुभकामना विज्ञापनमा ४ हजार खर्च गरेकोसंस्थाका  उपाध्यक्ष उदयप्रकाश दहालले बताए ।
२०५५ सालमा स्थापना गरिएको यो संस्थाले हेटौडा–६ चुच्चेखोलामा साढे ९ धुर जग्गा खरिद गरि संस्था र अन्य संघसंस्था, व्यक्ति समेतको सहयोगमा यसै आर्थिक वर्षमा भवन बनाउने लक्ष्य राखेको छ । हाल सम्म संस्था, विभिन्न संघसंस्था,शेयर सदस्य र शुभचिन्तकहरुको सहयोगमा पिल्लर सम्मको निर्माण कार्य भैसकेको संस्था संचालक समितिका सदस्य राजकुमार विडारीले बताए । 
संस्थाको भवन बनाउने कार्यमा  हामी सदैव सहयोग गर्न तैयार छौ । यो संस्था हाम्रो गहना हो । संस्थाका सल्लाहकार उदय विडारीले बताए । हाल संस्थामा ५ सय ३५ जना शेयर सदस्यहरु आवद्ध छन ।