चौघडा बचतको अध्यक्षमा पुनः श्यामप्रसाद श्रेष्ठ

१६ भदौ, हेटौँडा । चौघडा बचत तथा ऋण सहकारीको अध्यक्षमा पुनः श्यामप्रसाद श्रेष्ठ निर्विरोध चयन भएका छन । सहकारीको शनिवार सम्पन्न भएको दशौं वार्षिक साधारणसभाले श्रेष्ठलाई अध्यक्षमा चयन गरेको हो ।

संस्थाको सदस्यमा विजयकुमार श्रेष्ठ,अर्जुनप्रसाद हुमागाई,त्रिविक्रम मानन्धर,ईश्वर बानियाँ,रामहरी तिमल्सिना,शुभद्रा आचार्य, सरोजकुमार श्रेष्ठ र बद्रीबहादुर राई चयन भएका छन । लेखा सुपरीवेक्षण समितिको संयोजकमा ध्रुवप्रसाद अधिकारी र सदस्यहरुमा शुभेच्छा श्रेष्ठ र कृष्णबहादुर मानन्धर चयन भएका छन् । हेटौंडा उपमहानगरपालिका वडा ६ का वडा अध्यक्ष अर्जुन प्रसाद चौलागाईको प्रमुख अतिथ्यता एवं संस्थाका अध्यक्ष श्यामप्रसाद श्रेष्ठको अध्यक्षतामा कार्यक्रम भएको हो । कार्यक्रममा अध्यक्ष श्रेष्ठले बार्षिक प्रतिवेदन, संस्थाका कोषाध्यक्ष त्रिविक्रम मानन्धरले आर्थिक प्रतिवेदन, लेखा समिति संयोजक ध्रुव अधिकारीले लेखा समिति प्रतिवेदन प्रस्तुत गरेका थिए ।

कार्यक्रममा उत्कृष्ट बचतकर्ता धनेश्वरी श्रेष्ठ र विषम धिताल, उत्कृष्ट ऋणी लक्ष्मी श्रेष्ठ र सिताराम राई, बाल बचतकर्ता कौस्तुप दुलाल र बेहङ्गम कायस्थलाई सम्मान गरिएको छ । कार्यक्रममा संस्थामा कार्यरत रमिता बानियाँलाई समेत सम्मान गरेको थियो । कार्यक्रममा सभामा जिल्ला दुग्ध उत्पादक सहकारी संघ लि का अध्यक्ष बासुदेव अधिकारी, जनकल्याण बचत तथा ऋण सहकारी संस्थाका अध्यक्ष हिमाल पौडेल, हेटौंडा बचत तथा ऋण सहकारी संस्थाका कोषाध्यक्ष विजय बहादुर बस्नेत, रानी सामुदायिक वन उपभोक्ता समितिका अध्यक्ष कृष्ण विडारी, संस्थाका सल्लाहकार श्यामसुन्दर श्रेष्ठ, विनोदचन्द्र कोइराला लगायतकाले मन्तव्य व्यक्त गरेका थिए ।