अशोकबाटिकाको बार्षिक साधारणसभा

१६ भदौ, हेटौँडा । हेटौडा–१६ चिसापानीमा रहेको अशोकबाटिका बचत तथा ऋण सहकारी संस्थाको १३ औ वार्षिक साधारणसभा सम्पन्न भएको छ । 

साधारणसभामा संस्थाका अध्यक्ष योगनाथ दंगालले संस्थागत प्रतिवेदन,सचिव सागरनाथ बास्तोलाले प्रगति प्रतिवेदन,लेखा समितिका संयोजक पार्वती ढकालले लेखा समितिको प्रतिवेदन र कोषाध्यक्ष महेश बजगाईले आर्थिक प्रतिवेदन पेश गरेका थिए । साधारणसभामा उत्कृष्ठ बचतकर्तामा निरुता बजगाई,दपिककुमार कार्की,उत्कृष्ठ ऋणीमा ध्रुवप्रसाद सापकोटा, कृपा चौलागाई, बालबचतमा सुधा भट्टराई,जेष्ठ सदस्यमा गुरुप्रसाद अधिकारी र दमयन्ती राईलाई सम्मातिन गरिएको थियो । यसैगरी संचारकर्मीमा बलराम पुडासैनी,  एसईइमा उत्कृष्ठ अंक ल्याउने  अन्जन आचार्य,कृति अधिकारी, पल्लव घिमिरे र मोक्षता दाहाललाई समेत सम्मानित गरिएको थियो ।  

मकवानपुर जिल्ला बचत तथा ऋण सहकारी संघकी अध्यक्ष राधा सिङतानको प्रमुख आतिथ्यता एवम सहकारीका अध्यक्ष योगनाथ दंगालको अध्यक्षतामा कार्यक्रम भएको थियो ।  कार्यक्रममा हेटौडा–१७ का वडा अध्यक्ष भैरबबहादुर राई , १६ नम्बरका वडा अध्यक्ष रामकृण कोईराला , गरिवीनिवारण बचत तथा ऋण सहकारीका अध्यक्ष पुष्पराज पराजुली,चेतनशिल दुग्ध उत्पादक सहकारीका अध्यक्ष कृष्णप्रसाद घिमिरे,संस्थाका सल्लाहकार जयप्रकाश घिमिरे लगायतकाले मन्तव्य व्यक्त गरेका थिए ।