बंशगोपाल दुग्ध सहकारीको साधारणसभा सम्पन्न

२३ भदौं, हेटौँडा । हेटौँडा–६ चौघडामा रहेको बंशगोपाल दुग्ध उत्पादक सहकारी संस्थाको २७ औं बार्षिक साधारणसभा सम्पन्न भएको छ ।

साधारणसभामा अध्यक्ष श्यामप्रसाद न्यौपानेले संस्थागत प्रतिवेदन, लेखा सुपरिवेक्षण समितिका संयोजक नवराज पौडेलले लेखा परिक्षण प्रतिवेदन र पशुधन तथा कृषक हित कोषका संयोजक खडानन्द चौलागाईले कृषक हितकोष प्रतिवेदन प्रस्तुत गरेका थिए । भेलामा बढि दुध विक्रि गर्ने रजत श्रेष्ठ, गुणस्तरीय दुध विक्रि गर्ने रामप्रसाद गौतम, बढि पशुआहार खरिद गर्ने तेजनाथ चौलागाई, रामनाथ वास्तोला, टंककुमारी न्यौपाने, गोठ सफा राख्ने ढकप्रसाद गौतम र सफा भाँडोमा दुध विक्रि गर्ने तोयनाथ दुलाललाई नगद पुरस्कारसहित सम्मान गरिएको थियो ।

केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटाको प्रमुख आतिथ्यतामा सम्पन्न भएको साधारणसभामा जिल्ला दुग्ध उत्पादक सहकारी संघका अध्यक्ष बासुदेव अधिकारी, उद्योग संघ हेटौँडाका अध्यक्ष नवराज अर्याल, जनकल्याण बचत तथा ऋण सहकारी संस्थाका अध्यक्ष हिमाल पौडेल, मक्रान्चुली सहकारी संस्थाका अध्यक्ष खिलप्रसाद चौलागाई, रानी सामुदायिक वनका अध्यक्ष कृष्ण विडारी, सल्लाहकार साधुराम चौलागाई, बासुदेव सापकोटा, बंशगोपाल माविका प्रधानाध्यापक रमेशप्रसाद लामिछाने, संस्थाका उपाध्यक्ष मुकुन्द अधिकारी, वडा नागरिक मञ्चका पूर्व अध्यक्ष कृष्णप्रसाद सञ्जेल लगायतले मन्तव्य व्यक्त गरेका थिए ।