नारायणी दुग्ध सहकारीको २८ औं साधारणसभा

१ असोज, हेटौँडा । हेटौँडा–६ हात्तिलेटमा रहेको नारायणी दुग्ध उत्पादक सहकारी संस्था लिमिटेडको २८ औं बार्षिक साधारणसभा सम्पन्न भएको छ ।
सभामा संस्थाका अध्यक्ष शिवप्रसाद सञ्जेलले संस्थागत प्रतिवेदन, लेखा समिति संयोजक रामबहादुर कार्कीले लेखा समितिको प्रतिवेदन, बचत तथा ऋण कार्यक्रम उपसमितिका संयोजक ईन्द्रमणी गौतमले बचत तथा ऋण समितिको प्रतिवेदन, कोषाध्यक्ष एवं खरिद विक्रि उपसमिति संयोजक रत्नप्रसाद सापकोटाले खरिदविक्रि उपसमितिको प्रतिवेदन प्रस्तुत गरेका थिए । 
भेलामा सबैभन्दा बढि दुग्ध विक्रि गर्ने हरिप्रसाद फुँयाल, रजनी गौतम, रामकृष्ण बलामी, गुणस्तरीय दुग्ध विक्रि गर्ने उदयनारायण चौलागाई, तुलाराम गौतम र होमनाथ गौतम, बढि सामान खरिद गर्ने खडानन्द सापकोटा, हरिप्रसाद फुँयाल र प्रेमप्रसाद सापकोटालाई सम्मान गरिएको थियो । 
यस्तै, नियमित बचत गर्ने कृष्णप्रसाद खतिवडा, रामकृष्ण खतिवडा र एकप्रसाद दाहाल, नियमित कर्जा बुझाउने देउकुमारी कार्की, सरसफाईतर्फ पूर्णसिंह गुरुङ, शिवप्रसाद दुलाल र नुरमानसिंह खड्का, ज्येष्ठ शेयर सदस्य टिकामाई दुलाल, धनमाया नेवार र तारादेवी तिवारीलाई समेत सम्मान गरिएको थियो ।
केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटाको प्रमुख आतिथ्यता एवं सहकारीका अध्यक्ष शिवप्रसाद सञ्जेलको अध्यक्षतामा भएको कार्यक्रममा ६ नम्बर वडा अध्यक्ष अर्जुनप्रसाद चौलागाई, जिल्ला दुग्ध उत्पादक सहकारी संघका अध्यक्ष बासुदेव अधिकारी, चेतनशिल दुग्ध उत्पादक सहकारी संघका अध्यक्ष कृष्णप्रसाद घिमिरे, उपाध्यक्ष ईन्द्रमणी गौतम, सचिव ईन्द्रप्रसाद खतिवडा, सल्लाहकार गुरुप्रसाद सापकोटा लगायतले मन्तव्य व्यक्त गरेका थिए ।