राजदेवी सहकारीको वार्षिक साधारणसभा सम्पन्न 

६ असोज, हेटौँडा । हेटौडा–१७ राजदेवीमा रहेको राजदेवी बचत तथा ऋण सहकारी संस्थाको १३ औं वार्षिक साधारणसभा शनिवार सम्पन्न भएको छ । 
साधारणसभामा संस्थाका अध्यक्ष मधुसुदन न्यौपानेले संस्थागत प्रतिवेदन, कोषाध्यक्ष कृष्णप्रसाद पराजुलीले आर्थिक प्रतिवेदन, लेखा संयोजक रमेशप्रसाद पराजुलीले लेखा परीक्षण प्रतिवेदन र ऋण उपसमितिका संयोजक रामप्रसाद भट्टले ऋण समितिको प्रतिवेदन प्रस्तुत गरेका थिए । 
साधारणसभामा रमेश न्योपाने,मसली चौलागाई र केशवप्रसाद तिमल्सिनालाई असली कारोवारी,बालबचतमा दिक्षा दाहाल,ज्येष्ठ शेयर सदस्यमा चुडामणी घिमिरे र टंकप्रसाद घिमिरेलाई सम्मान गरिएको थियो । हेटौडा उपमहानगरपालिका १७ का वडा अध्यक्ष भैरबबहादुर राईको प्रमुख आतिथ्यता एवम सहकारीका अध्यक्ष मधुसुदन न्यौपानेको सभाध्यक्षतामा साधारणसभा भएको थियो । 
साधारणसभामा मकवानपुर जिल्ला दुग्ध उतपादक सहकारी संघका व्यवस्थापक कुमारमणी दहाल,मकवानपुर जिल्ला सहकारी संघका सहसचिव कृष्णबहादुर राई, राजदेवी दुग्ध उत्पादक सहकारी संस्थाका अध्यक्ष रामप्रसाद तिमल्सिना, संस्थाका सचिव श्यामलाल श्रेष्ठ,शेयर सदस्य प्रकाश पुडासैनी, बेदप्रसाद न्यौपाने लगायतकाले मन्तव्य व्यक्त गरेका थिए । संस्थामा हाल ५ सय ८ जना शेयर सदस्यहरु आवद्ध छन् ।