पशुको विमा गर्न केन्द्रीय संघ अध्यक्ष देवकोटाको आग्रह

११ असोज, हेटौँडा । केन्द्रीय दुग्ध उत्पादक सहकारी संघको आयोजनामा हेटौँडामा विहिबार पशु विमा सम्बन्धी गोष्ठी भएको छ । 
गोष्ठीमा आफ्नो कार्यपत्र प्र्रस्तुत गर्दै केन्द्र्र संघका अध्यक्ष नारायण देवकोटाले पशु विमा गर्दा पशुधन सुरक्षण हुने भएकाले यसतर्फ सबै किसानलाई आवद्ध गर्नुपर्नेमा जोड दिए । उनले पशुविमा गरिएको पशुको मृत्यु भएमा रकम सहज ढंगबाट प्र्राप्त हुने र छिटै नयाँ पशु खरिद गर्न पाउने सुविधा रहेको बताए । उनले पशु विमालाई सहज बनाउन सहकारीमार्फत यसलाई अघि बढाउनुपर्नेमा जोड दिंदै उनले विमा कम्पनीहरु पनि शहर केन्द्र्रीत मात्रै नभई ग्रामिण भेगसम्म पुग्ने पर्ने बताए । किसानले तिरेको प्रिमियम र सरकारले थपेको अनुदान रकम कम्पनीकै हुने अवस्था रहेकोमा यसलाई परिमार्जन गर्नुपर्ने उनको भनाई थियो । 
कार्यक्रममा क्यानेडियन स्वयम्सेवक ग्रटा, नेशनल लाईफ इन्स्योरेन्सका बजार प्र्रमुख विवेक शर्मा लगायतले सहजिकरण गरेका थिए । जिल्ला दुग्ध उत्पादक सहकारी संघ मकवानपुरका अध्यक्ष बासुदेव अधिकारीको अध्यक्षतामा भएको कार्यक्रममा केन्द्रीय संघका उपाध्यक्ष रामेश्वर पोखरेल, जिल्ला संघका व्यवस्थापक कुमारमणी दाहाल लगायतले मन्तव्य व्यक्त गरेका थिए । 
कार्यक्रममा बारा, चितवन र मकवानपुरका दुग्ध सहकारीमा आवद्ध प्रतिनिधिहरुको सहभागिता रहेको थियो ।