निर्माण व्यवसायी संघ मकवानपुरमा ढकालसहित ५ निर्विरोध

१२ असोज, हेटौँडा । निर्माण व्यवसायी संघ मकवानपुरको अध्यक्षमा श्यामसुन्दर ढकालसहित ५ जना निर्विरोध चयन भएका छन् । आवश्यक संख्यामा मात्रै उम्मेदवारी परेपछि ढकालसहित ५ जना निर्विरोध भएका हुन् ।

यसअघि महासचिवको जिम्मेवारी निर्वाह गरिसकेका उनको उम्मेदवारी विरुद्ध कसेको पनि मनोनयन दर्ता नभएपछि नयाँ कार्यकालका लागि ढकाल अध्यक्षमा चयन भएका हुन् । बरिष्ठ उपाध्यक्षमा बालगोपाल कंडेल र उपमहासचिव वस्तुगततर्फ भवनाथ अधिकारी, सह–कोषाध्यक्षमा नवराज पाठक र महिला सदस्यमा उमाकुमारी पौडेल निर्विरोध भएका छन् । द्वितीय उपाध्यक्षमा सागर भट्टराई र आशलाल स्याङ्तानको उम्मेदवारी परेको छ भने तृतीय उपाध्यक्षमा बुद्धिराम डिमडुङ र अमृत लुङ्बाको उम्मेदवारी परेको छ ।

यस्तै महासचिवमा बालकुमार मल्ल ठकुरी र विनोद शर्मा, उपमहासचिव (नीतिगत( मा राजेन्द्र चौलागाइँ, भीमसेन श्रेष्ठ र सुरजमणि खनालको उम्मेदवारी परेको छ । त्यसैगरी, कोषाध्यक्षमा ईश्वर पाठक र अनल श्रेष्ठको उम्मेदवारी परेको छ । ८ जना सदस्यको लागि ११ जनाको उम्मेदवारी परेको छ । सदस्यको उम्मेदवारमा गुरुप्रसाद दाहाल (गोपी), निर्मल देवकोटा, सञ्जीव राजबाहक, सुरेन्द्र पाठक, राज मैनाली (दिनेश), हरेराम पुडासैनी, भोजबहादुर बुढाथोकी, नवीन पराजुली, चेतबहादुर थापा र रुपेश केसी छन् ।