लामिटार कप फुटबलको तालिक सार्वजनिक

१६ असोज, हेटौँडा । दशैं तिहारको पूर्व सन्ध्यामा यही १८ गते बिहीबारबाट हाँडीखोलाको लामिटारमा प्रथम लामिटार कप फुटबल प्रतियोगिता सञ्चालन हुने भएको छ । लामिटार यूथ क्लवको आयोजनामा सञ्चालन हुन लागेको प्रतियोगितामा मनहरी गाउँपालिकाका २१ वटा टिमको सहभागिता रहेको छ । 
आयोजकले मंगलबार खेल तालिका समेत सार्वजनिक गरेको छ । उद्घाटनमा आयोजक लामिटारको टिम ‘ए’ र सृजनशील युवा क्लव सुनाचुरी खेल्ने भएको छ । ३० गतेसम्म सञ्चालन हुने प्रतियोगिताको विजेताले ५० हजार र उपविजेता टिमले २५ हजार रुपैंयासहित ट्रफी, मेडल र प्रमाणपत्र प्राप्त गर्ने क्लवका अध्यक्ष गणेशदर्पण अधिकारीले जानकारी दिए । ‘दशैंतिहारको अवसरमा शुभकामना आदानप्रदान गर्ने र एकआपसमा भ्रातृत्वको विकास गर्ने उद्देश्यले प्रतियोगिता आयोजना गर्न लागेका हौं’, अध्यक्ष अधिकारीले भने, ‘लोकप्रिय खेलको रुपमा रहेको फुटबलको विकासमा समेत प्रतियोगिताले केही टेवा पु¥याउनेछ भन्ने हाम्रो विश्वास हो ।’ 
प्रतियोगितामा मनहरी गाउँपालिकाभित्रको क्लव र खेलाडी मात्रै सहभागी हुन पाउने व्यवस्था गरिएको छ । प्रतियोगिताको लागि करिब ३ लाख रुपैंया खर्च हुने अनुमान रहेको आयोजक लामिटार यूथ क्लवका सचिव निरन्जन उप्रेतीले जानकारी दिए । ‘स्थानीय विभिन्न सहयोगी संस्था एवम् व्यक्तिबाट प्राप्त हुने स–साना सहयोगबाटै यो प्रतियोगिता सफल हुनेछ’, उनले भने, ‘प्रत्येक बर्ष यस प्रतियोगितालाई निरन्तरता दिंदै जाने लक्ष्य लिएका छौं ।’ क्लवले निर्माण गरेको नयाँ चौरलाई चिनाउनुको साथै मनहरी गाउँपालिकाभित्र रहेका क्लवहरुको बीचमा थप सुमधुर सम्बन्ध स्थापनामा प्रतियोगिता सहयोगी बन्ने सचिव उप्रेतीको दावी छ ।