भ्रष्टाचार नियन्त्रणको थालनि मुख्यमन्त्रीको कार्यालयबाट हुन्छः मुख्यमन्त्री पौडेल

सुनिल शिवाकोटी   
१८ असोज, हेटौँडा । प्रदेश ३ का मुख्यमन्त्री डोरमणि पौडेलले मुलुकभर र प्रदेश ३मा  नितिगत रुपमा देखिएको  भ्रष्टाचार नियन्त्रणको  अभियानलाई आफु कटिवद्ध भएर लाग्ने बताउदै यस कार्यको थालनि मुख्यमन्त्री तथा मन्त्रीपरिषद्को कार्यालयबाट नै  सुरु गरिने बताएका छन् । 
बहिबार  प्रदेश ३ को मुख्यमन्त्री तथा मन्त्रीपरिषद्को कार्यालयको आयोजनामा  भ्रष्टाचार निवारण सम्बन्धी संचारकर्मीसँगको अन्तरक्रिया कार्यक्रममा बोल्दै मुख्यमन्त्री  पौडेलले प्राय जसो हरेक सरकारी, गैरसरकारी,संघ संस्थाहरुमा भ्रष्टाचारको जरो गाडिएकोले त्यहा हुने नितिगत भ्रष्टाचारलाई नियन्त्रणको थालनि  मुख्यमन्त्री तथा मन्त्रीपरिषद्को कार्यालयबाट सुरु गरिने बताएका हुन । 
उनले भ्रष्टाचार नियन्त्रणमा  आमसंचार माध्यम , पत्रकार र जनप्रतिनिधि र कर्मचारीको विशेष भूमिका रहने  भन्दै आमसंचार माध्यम , पत्रकार र जनप्रतिनिधि र कर्मचारीलाई भ्रष्टाचार नियन्त्रणका लागि अग्रसर हुन अनुरोध गरेका छन  ।
कार्यक्रममा बोल्दै   प्रदेश ३ का आर्थिक मामिला तथा योजना मन्त्री कैलाश ढुंगेलले यसलाई उसलाई देष दिनु भन्दा भ्रष्टाचार नियन्त्रण  गर्ने दायित्व सबै निकायको भएको भन्दै यसको नियन्त्रणको लागि  हामिले पुथ्वी नारायण शाहको दिव्य उपदेशलाई मनन गरिनु पर्ने बताए ।   त्यसैगरी मुख्यमन्त्री तथा मन्त्रीपरिषद्को कार्यालयकी कानुन सचिव इन्दिरा दाहालले भ्रष्टाचार निवारणको  उपाय, भ्रष्टाचार निवारण सम्बन्धी कानुन, अपराध संहिता ऐन २०७४, फौजदारी संहिता ऐन २०७४, भ्रष्टाचार निवारणका लागि रणनितिक कार्य , भ्रष्टाचार निवारणमा प्रदेश सरकारको भुमिका र भ्रष्टाचार निवारणका लागि नयाँ निर्माण गर्नुपर्ने कानुनका बारेमा प्रस्तुतिकरण  गरेकि थिईन ।   
त्यस्तै मन्त्रीपरिषद्को कार्यालयकी उपसचिव निर्मला थापाले भ्रष्टाचार निवारण गर्न बनेको रणनीतिको मस्यौदाको विषयवस्तुमा जानकारी गराएकी थिइन् । 
कार्यक्रम प्रदेश ३ का मुख्यसचिव आनन्दराज ढकालको सभाध्यक्षतामा सम्पन्न भएको  थियो  ।