चन्द्रसूर्यको तेह्रौ वार्षिक साधारणसभा सम्पन्न

२० असोज, हेटौँडा । मकवानपुरगढी–२, शिखरकटेरीमा रहेको चन्द्र सूर्य बचत तथा ऋण सहकारी संस्थाको तेह्रौं वार्षिक साधारणसभा शनिवार सम्पन्न भएको छ । 
साधारणसभामा संस्थाका अध्यक्ष गोपालप्रसाद गौतमले संस्थागत प्रतिवेदन,लेखा सदस्य दिनेश थापाले लेखा समितिको प्रतिवेदन, ऋण समितिका संयोजक गंगा बहादुर थापाले ऋण समितिको प्रतिवेदन र सचिव सरिता ढुङगेलले चालु आव ०७५/०७६ को लागि १ करोड ९६ लाखको अनुमानित बजेट प्रस्तुत गरेका थिए । भेलामा असली कारोवारीमा सानुकान्छा थिङ र रामप्रसाद पुडासैनीलाई सम्मानित गरिएको थियो । 
मकवानपुरगढी गाउँपालिकाकी उपाध्यक्ष हर्कमाया रुम्वाको प्रमुख आतिथ्यता एवम सहकारी संस्थाका अध्यक्ष गोपालप्रसाद गौतमको सभाध्यक्षतामा भएको साधारणसभामा मकवानपुरगढी २ का वडा अध्यक्ष बखानसिह पाख्रिन,मकवानपुर जिल्ला बचत तथा ऋण सहकारी संघकी सुमित्राकुमारी वाईवा, कुर्ले कृषि सहकारी संस्थाका अध्यक्ष कृष्णप्रसाद हुमागाई,चण्डीका मावि व्यवस्थापन समितिका अध्यक्ष नवराज पुलामी,शिक्षा उपसमिति संयोजक दोर्जे लामा स्याङतान,संस्थाका उपाध्यक्ष ईमानाथ तिमल्सिना, लेखा संयोजक विरबहादुर गोले,व्यवस्थापक हरीकुमार हुमागाई लगायतकाले मन्तव्य व्यक्त गरेका थिए ।