चुच्चेखोला वन उपभोक्ता सहकारीको साधारणसभा

२० असोज, हेटौँडा । हेटौडा–६, चुच्चेखोलामा रहेको चुच्चेखोला सामुदायिक वन उपभोक्ता बचत तथा ऋण सहकारी संस्थाको १३ औं वार्षिक साधारणसभा शनिवार सम्पन्न भएको छ । 
साधारणसभामा संस्थाका अध्यक्ष लक्ष्मण कटुवालले संस्थागत प्रतिवेदन, लेखा समितिका संयोजक कुमारमणी दहालले लेखा समितिको प्रतिवेदन र ऋण उपसमितिका संयोजक धनबहादुर गौतमले ऋण समितिको प्रतिवेदन प्रस्तुत गरेका थिए । भेलामा संस्थाका संस्थापक अध्यक्ष गोपीप्रसाद अधिकारी सचिव रमेशकुमार घिमिरे,उत्कृष्ठ बचतकर्तामा खेमकुमारी आचार्य,उत्कृष्ठ कारोवारीमा निलकण्ठ ढकाललाई सम्मानित गरिएको थियो । यसैगरी कक्षा ८ को उत्कृष्ठ विद्यार्थीमा रोहित न्यौपाने र नम्रता तिमल्सिना,एसईईमा विजय गौतम र मेनुका पुडासैनीलाई पुरस्कृत गरिएको थियो । 
हेटौंडा उपमहानगरपालिका १७ का वडा अध्यक्ष भैरबबहादुर राईको प्रमुख आतिथ्यता एवम सहकारी संस्थाका अध्यक्ष लक्ष्मण कटुवालको अध्यक्षतामा भएको साधारणसभामा हेटौडा उपमहानगरपालिका १७ का वडा सदस्य टिकाप्रसाद तिमल्सिान, कामधेनु बहुउद्धेश्यीय सहकारी संस्थाका अध्यक्ष गौरबकुमार पारजुली, नारीचेतना बचत तथा ऋण सहकारी संस्थाकी अध्यक्ष ज्ञानु अर्याल, दिव्यज्योति आधारभूत विद्यालय व्यवस्थापन समितिका अध्यक्ष रोशन घिमिरे, संस्थाका सल्लाहकार बद्री भण्डारी, शालिकराम घिमिरे लगायतकाले मन्तव्य व्यक्त गरेका थिए ।