नुवाकोट र सिन्धुलिमा  बस दुर्घटना  ३ को मुत्यु 

नुवाकोटमा दुर्घटना भएको बस

 
२६ असोज, हेटौँडा ।दशै निजिकिए संगै देशका विभिन्न ठाँउमा सवारी दुर्घटनाको  संख्यामा  बडदै गएको छ । बिहिबार मात्र मोरङको विभिन्न स्थानमा सवारी दुर्घटनामा परी ३ जनाको मुत्यु भएको घटना सेलाउन नपाउदै शुक्रबार  नुवाकोट र सिन्धुलिमा यात्रुबाहक बस दुर्घटना हुदा ३ जनाको मुत्यु भएको छ । 
शुक्रबार बिहान समुन्द्रटारबाट त्रिशुलीको लागि छुटेको बस बा १ ख ६३५६ नम्बरको बस   नुवाकोटको लब्धुमा दुर्घटना हुदा  २ जनाको घटनास्थलमै  मृत्यु भएको र ३० भन्दा बढी घाइते  नुवाकोट प्रहरीले जनाएको छ । 
बस सडकबाट करिब १ सय मिटर तल खसेको छ । क्षमताभन्दा बढी यात्रु, तीब्रगति तथा बस धेरै पुरानो भएकोले  कारण दुर्घटना भएको दुर्घटना भएको प्रहरीले अनुमान गरेको छ ।  
दुर्घटनामा परि गम्भीर घाइतेहरुलाइ एम्बुलेन्स मार्फत काठमाडौ लगिएको र अन्य सामान्य घाइते हरुलाई    उपचारको जिल्ला अस्पताल लगिएको छ ।मुत्यु हुने र घाईतेहरुको पहिचान खुलिनसकेको प्रहरीले जनाएको छ । 
त्यसैगरी शुक्रबार नै सिन्धुलीको मरिङबाट काठमाडौंको लागि छुटेको बस ना ६ ख ९१२  नम्बरको यात्रुबाहक बस सिन्धुलीका  मुलकोट भन्ने स्थानमा   दुर्घटना हुँदा एक जनाको घटनास्थलमै मृत्यु भएको छ भने  ६ जना गम्भीर घाइते भएका छन् । 

बस सडकबाट करीब २५० मिटर तल खसेको र बसमा जम्मा ८ जना यात्रु रहेको बताइएको छ ।   घाइतेहरुको जिल्ला अस्पताल सिन्धुली अस्पतालमा उपचार भइरहेको सिन्धुली प्रहरीले जनाएको छ ।