सहकारीले उत्पादनमुलक क्षेत्रमा लगानी गर्नुपर्छ : मूख्यमन्त्री पौडेल

२७ असोज, हेटौँडा । प्रदेश नम्बर ३ का मुख्यमन्त्री डोरमणी पौडेलले सहकारी संस्थाहरुले उत्पादनमुलक क्षेत्रमा लगानी गर्नु पर्ने बताएका छन् । 
हेटौडा–६ चौघडामा रहेको जनकल्याण बचत तथा ऋण सहकारी संस्थाको २२ औं वार्षिक साधारणसभालाई शनिवार सम्वोधन गर्दै मुख्यमन्त्री पौडेलले सबैको सामुहिक र ईमान्दरी प्रयासले मात्रै समृद्धि आउने बताए । उनले सहकारी संस्थाहरुले कर्जा प्रवाह गर्दा आर्थिक समृद्धिको आधार पहिल्याउनु पर्नेमा जोड दिए । 
साधारणसभामा संस्थाका अध्यक्ष हिमाल पौडेलले संस्थागत प्रतिवेदन, उपाध्यक्ष श्यामप्रसाद भट्टराईले ऋण समितिको प्रतिवेदन,कोषाध्यक्ष चेतनाथ खतिवडाले आर्थिक प्रतिवेदन प्रस्तुत गरेका थिए । साधारणसभामा संचारकर्मी विजय पौडेल, ज्येष्ठ शेयर सदस्य हर्कबहादुर चौलागाई, देवकुमारी अर्याल, नियमित बचत गर्ने गोपालप्रसाद पोखरेल, जुनकिरी माया डंगोल, संस्थागत शेयर सदस्य रविन्द्रकुमार गौतम र मधुकुमार दंगाल, असली कारोवारीमा देवनारायण दंगाल र लिला नेपालीलाई सम्मानित गरिएको थियो । यसैगरी शेयर सदस्य वृद्धि गर्न सहयोग गर्ने उदय विडारी र गोपालराज भट्टराई, उद्यमी व्यवसायीमा धु्रवप्रसाद गौतम, स्वास्थ्यकर्मी तर्फ उत्सव चौलागाई, कर्मचारीमा सहायक व्यवस्थापक झम्कप्रसाद गौतमलाई पनि सम्मानित गरिएको थियो । 
संस्थाका अध्यक्ष हिमाल पौडेलको अध्यक्षतामा भएको साधारणसभामा हेटौडा–६ का वडा अध्यक्ष अर्जुनप्रसाद चौलागाई, राष्ट्रिय सहकारी बैक हेटौडा शाखाका प्रमुख रामेश्वर अर्याल,मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी, साईराम साकोसका अध्यक्ष राजेन्द्रप्रसाद पौडेल, नारीचेतना साकोसका अध्यक्ष ज्ञानु अर्याल, हेटौडा साकोसका उपाध्यक्ष सावित्री अधिकारी, सल्लाहकार बद्रीबहादुर पाठक, गणेशकुमार श्रेष्ठ, न्यूरेनी चिसापानी सामुदायिक वनका अध्यक्ष ज्ञानु क्षेत्री, शेयर सदस्य बालकृष्ण चौलागाई लगायतकाले मन्तव्य व्यक्त गरेका थिए ।