पाटनको खड्ग जात्रा सम्पन्न

५ कार्तिक, हेटौँडा । पाटनको महत्वपुर्ण एवं ऐतिहासिक मानिने पायोँ अर्थात् खड्ग जात्रा विधि पुर्वक सम्पन्न भएको छ । झाँकी सहित मनमानेश्वरी देवीलाई यथास्थानमा विराजमान गराई सोमबार विधि पुर्वक सबै भन्दा पुरानो जात्रा पायोँ अर्थात् खड्ग जात्रा सम्पन्न गरिएको हो । 
मुल गुठीयार साम्राराज्य श्रेष्ठको नेतृत्वमा झाँकी तथा बाजा गाजा सहित मनमानेश्वरी भवानीलाई नगर परिक्रमा गराई आगम घर पु¥याई विराजमान गराईएको थियो । यो संगै जात्रा विधिवत सम्पन्न भएको छ ।
घटस्थापनादेखि विधिवत रुपमा सुरु भएपनि यो जात्राको मुख्य विधि पुलपातीका दिन गरिन्छ । पाटन दरबार स्क्वायरमा रहेको तलेजु भवानीको शक्तिको रुपमा लिईने खड्गलाई अष्टमीका दिन मध्यरातमा पुजा गरि नवमीका दिन महालक्ष्मी स्थान पु¥याईन्छ । 
विभिन्न प्रक्रिया पुरा गरी टीका पछिको त्रयोदशीका दिन जात्रा विधिवत सम्पन्न गरिन्छ । लिच्छिविकालिन राजा मानदेवको नाति बसन्तदेवबाट सुरु गरिएको यो जात्रा बजेट अभावका कारण २५ बर्ष देखि हुन सकेको थिएन ।
ललितपुर महानगरपालिका, गुठी संस्थान, ललितपुर उद्योगवाणिज्य संघ लगायत क्षेत्रबाट सहयोग प्राप्त भएपछि २६ औ बर्षमा खड्ग जात्रा निकालिएको हो । एक पटक यो जात्रा गर्नका लागि ४० लाख बढी बजेट आवश्यक पर्ने बताईन्छ ।