महिला ठग्ने पक्राउ, करेन्ट लगाई माछा मार्ने २ कारवाहीमा 

राप्तीखोलामा करेन्ट लगाई माछा मार्ने

१० मंसिर, हेटौँडा । मकवानपुर प्रहरीले सुनहो भनि पहेंलो धातु देखाई महिलालाई  ठगी गर्ने एकजान र करेन्ट लगाई माछा मार्ने २ जनालाई  पक्राउ गर्नुका साथै कारवाही गरेको छ । 
प्रहरीले असोज १६ गते हेटौँडा १६ हटिया चिसापानी बस्ने ५७ बर्षीया सकुन्तला खड्कालाई हेटौँडा १० बसपार्कमा रहेको सब्जिमण्डी देखी आँखा अस्पताल जाने बाटोमा सुन जस्तो देखिने पहेंलो धातु दिई १ तोला सुनको रिङ् र दश हजार रुपैया लिई ठगी गरेको भनी दिएको निबेदनको आधारमा जिल्लाबाट खटि गएको  बिशेष प्रहरी टोलिले निज खडकालाई ठगी गर्ने भिमफेदी गाउपालिका २ बस्ने ३६ बर्षीया राम सरण तामाङ्लाई हेटौँडा १ जरुवाटोलबाट पक्राउ गरेको जनाएको छ । पक्राउ परेका तामाङले अन्य व्यक्तीलाई ठगेको पाइएकोले सो सम्बन्धी आवश्यक अनुसन्धान भईरहेको जिल्ला प्रहरी कार्यालय मकवानपुरका प्रहरी प्रवक्त डिएसपि नरेश कुमार सिंहले बताए । 
त्यसैगरी प्रहरीले राप्तीखोलामा करेन्ट लगाई माछा मार्ने २ जनालाई नियन्त्रणमा लिई कारवही गरेको छ । प्रहरी चौकी बसामाडीबाट खटि गएको प्रहरी टोलीले हेटौँडा ३ लेवटमा पर्ने राप्तीखोलामा करेन्ट लगाई माछा मारिरहेका अवस्थामा हेटौँडा १२का ४३बर्षीया हरि बहादुर घले र सोहि ठाउ बस्ने बर्ष ३८का धन बहादुर घलेलाई नियन्त्रणमा लिई निजहरुलाई जलचर संरक्षण ऐन २०१७ को दफा ३ बमोजिम आवश्यक कारवाहीको जिल्ला प्रशासन कार्यालय पठाईएकोमा कार्यालयले जनहि ५ हजार जरिवाना गराई छाडीएको डिएसपि सिंहले बताए ।