नेपालमा ३१ हजार एचआइभी संक्रमण

सुनिल शिवाकोटी
१४मंसिर, हेटौँडा ।सन २०१७को अन्त्य सम्म संसारभर ३ करोड ६९ लाख व्यक्तिहरुमा एचआइभी संक्रमण भएकोमा नेपालमा ३१ हजार २० जनामा एचआइभी संक्रमण भएको अनुमान गरिएको छ । स्वास्थ्थ निर्देशनालय प्रदेश नम्बर ३ हेटौँडाले शुक्रबार पत्रकार भेटघाटको आयोजना गर्दै यस विषयमा जनाकारी गराएको हो । 
विश्व एडस दिवस २०१८ को पुर्वसन्ध्यामा निर्देशनालय पत्रकार भेटघाट गरी नेपालमा विश्व एडस दिवस मनाउन लागेको ३० बर्ष भईसकेको र विश्वब्यापि रुपमा नेपाल लगायत विश्वको केही देशबाट एचआइभी संक्रमणको संख्या घटदो क्रममा रहेको जनाएको छ । स्वास्थ्थ निर्देशनालय प्रदेश नम्बर ३ हेटौँडाका स्वास्थ्थ निर्देशक डाक्टर यदु चन्द्र घिमिरेले स न २०१७को अन्त्य सम्म नेपालमा ३१ हजार २० जनामा एचआइभी संक्रमण भएको जसमा १९ हजार २० पुरुष र १२ हजार महिला रहेको बताइ । उनले सन २०१० देखि २०१७ सम्म नेपालमा ६१ प्रतिशत नयाँ संक्रमण घटेको र ६३ प्रतिशत बच्चाहरुमा हुने नयाँ संक्रमण कमी आएको बताए । 
त्यसैगरी प्रदेश नम्बर ३ जनस्वास्थ्थ प्रशासक डाक्टर राजेन्द्र  गिरीले सन २०१७मा नेपालमा कुल एचआइभी संक्रमण मध्य ५३ प्रतिशत १६ हजार ४ सय २८ जना मात्र उपचारमा रहेको जनाए । उनले सन २०२० सम्म ९०ः९०ः९० अर्थात ९० प्रतिशत एचआइभी संक्रमितहरुले आफनो अवस्थाबारे थाहा पाउने, ती मध्य ९० प्रतिशतको औषधी उपचारमा पहुच हुने बताए र ती मध्य औषधी सेवन गर्ने मध्य ९० प्रतिशतको शरीरमा भाइरसको भार न्युन हुने बताए।कार्यक्रममा हेटौँडामा अहिले २ सय २८ मा एचआइभी संक्रमण देखिएकोमा १ सय ७३ जनामात्र उपचारका लागि आएको जनाइएको छ ।  
यसैगरी निर्देशनालयले विश्व एडस दिवसको अवसरमा भोलि डिसेम्बर १ का दिन चेतनामूलक कार्यक्रम गरी मनाउने भएको छ। निर्देशनालयले भोलि हेटौँडाको बुद्धचोकमा चेतनामूलक सडकनाटक सहित रयालीको आयोजना गरी बेलुका बुद्धचोकमा दिप प्रज्जवलन गर्ने जनाएको छ । हरेक वर्ष डिसेम्बर १ का दिन  विश्वभर एड्स दिवस मनाउने गरीन्छ ।