चेतनशिल दुग्ध सहकारीको २२ औं भेला सम्पन्न

१५ मंसिर, हेटौँडा । हेटौडा–१७ हटियामा रहेको चेतनशिल दुग्ध उत्पादक सहकारी संस्थाको २२ औं वार्षिक साधारणसभा शनिवार सम्पन्न भएको छ । साधारणसभामा संस्थाका अध्यक्ष कृष्णप्रसाद घिमिरेले संस्थागत प्रतिवेदन र लेखा समितिको संयोजक गोपालप्रसाद बस्ताकोटीले आव ०७४/०७५ को लेखा परीक्षण प्रतिवेदन प्रस्तुत गरेका थिए ।
भेलामा बढी दूध विक्री गर्ने पम्फा थापा, नवराज दुलाल, धनबहादुर कार्की, गुणस्तरीय दूध विक्री गर्ने कमलादेवी बलामी, बढी दिन दूध विक्री गर्ने ठूलीमैया थापा, गोठ सफा राख्ने अर्जुनप्रसाद वाग्लेलाई सम्मान गरिएको थियो । यसैगरी परीक्षामा उत्कृष्ट अंक हासिल गर्ने अन्जन आचार्य, कृति अधिकारी, मोक्क्षता दहाल, पल्लव घिमिरे, कृष्ण प्रसाद सापकोटा र सुशान्त सापकोटा समेतलाई सम्मान गरिएको थियो ।
केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटाको प्रमुख आतिथ्यता एवम संस्थाका अध्यक्ष कृष्णप्रसाद घिमिरेको अध्यक्षतामा साधारणसभा भएको थियो । भेलामा हेटौडा–१६ का वडा अध्यक्ष रामकृष्ण कोईराला, हेटौडा–१७ का वडा सदस्य टिकाप्रसाद तिमल्सिना, मकवानपुर जिल्ला दुग्ध उत्पादक सहकारी संघका सदस्य ईन्द्रबहादुर बस्नेत, अशोकबाटिका बचत तथा ऋण सहकारी संस्थाका अध्यक्ष योगनाथ दंगाल, संस्थाका निवर्तमान अध्यक्ष कृष्णप्रसाद सापकोटा, बचत तथा ऋण उपसमिति संयोजक विष्णुमान श्रेष्ठ लगायतले मन्तव्य व्यक्त गरेका थिए ।