रोटरीको पहलमा निमार्ण गरिएको बिद्यालय हस्तान्तरण

  १६मंसिर, हेटौँडा । मकवानपुरको  दुई स्थानमा रोटरीको पहल तथा विदेशी स्थानले आर्थिक  सहयोगमा निमार्ण गरेको दुईवटा सामुदायिक बिद्यालयको भवन आइतबार बिद्यालयलाई हस्तान्तरण गरिएको छ । अष्ट्रेलियास्थित रोटरी क्लब अफ ताजमानिया, ताइवानस्थित रोटरी फाउण्डेशनको सहयोग तथा रोटरी क्लब अफ हेटौंडाको सहकार्यमा निर्माण गरिएको मकवानपुरको  राक्सिराङ गाउँपालिका स्थित सरिखेत पलासेमा रहेको सुर्योदय माध्यामिक बिद्यालय र हेटौंडा ११ नवलपुरमा रहेको सरस्वती आधारभुत बिद्यालयको भवन आईतबार एक कार्यक्रमका बीच बिद्यालयलाई हस्तान्तरण गरिएको हो । 
सरिखेत पलासेमा रहेको सुर्योदय माबिमा १८ लाखको लागतमा ३ कोठे भान्छाकोठा  सहितको भवन र त्यस्तै हेटौंडा ११ नवलपुरमा रहेको सरस्वती आधारभुत विद्यालय परिसरमा अष्ट्रेलियामा रहेका रोटरी क्लबहरुको आर्थिक सहयोगमा छब्बीस लाख ५०हजार लागतमा निर्माण भएको २ कोठे विद्यालय भवन र अपाङ्गमैत्री लैंगिक शौचालय बिद्यालयलाई हस्तान्तरण गरिएको हो  । 
रोटरी इन्टरनेशनका पूर्व डिष्ट्रिक्ट गभर्नर जेम्स विलकक्सको प्रमुख अतिथ्यतामा तथा रोटरी क्लब अफ हेटौंडाका अध्यक्ष लेखराज पोखरेलको सभाध्यक्षतामा भएको   कार्यक्रममा अष्ट्रेलिया र ताईवानबाट आएका रोटरी क्लबका प्रतिनिधि, रोटरी क्लब अफ हेटौंडाका पदाधिकारी तथा सदस्यहरु, जिल्ला शिक्षा समन्व्य इकाई कार्यालयका प्रमुख कृष्णप्रसाद घिमिरे, विद्यालयका व्यवस्थापन समितिका अध्यक्षहरु प्रधानध्यापक, शिक्षक, अभिभावक, स्थानिय र विद्यार्थीहरुको सहभागिता रहेको थियो ।