रेडमी नोट सिक्स प्रो मोवाइल हेटौंडामा

१९मंसिर, हेटौँडा । अन्तर्रा्ष्ट्रिय प्रविधिमा अग्र स्थानमा रहेको स्याओमीले पहिलो पटक क्वाड क्यामेरा सहितको रेडमी नोट सिक्स प्रो मोवाइल हेटौंडा बजारमा भित्रैको छ । 
बुधबार हेटौँडामा एक कार्यक्रम आयोजना गरि नयाँ मोडेल रेडमी नोट सिक्स प्रो को लन्च गरिएको छ । १९ः९ नट्च सहितको डिस्प्ले, डुअल सेल्फी क्यामेरा र थप सुधारिएको रियर क्यामेरा सेटअफ रहेको छ । रेडमी नोट सिक्स प्रो, क्वालकोम स्न्यापड्रागनले आधुनिक तवरबाट डिजाइन गरेको हो । जसमा ६३६ अक्टाकोर प्रोसेसर, एआई पार्वर्ड क्वाड क्यामेरा सटअफ सहित दुई दिनसम्म चल्ने ४ हजार एमएएच व्याट्री प्रयोग रहेको छ । मोवाइलको अगाडी २० मेगापिक्सेल प्लस २ मेगापिक्सेल एआई क्यामेरा जडान गरिएको छ । रेडमी नोट सिक्स प्रोमा १९ः९ एसपेक्ट रेसियो र नट्च सहितको ६.२६ इन्च एफएचडी प्लस आईपीएस डिस्प्ले रहेको छ भने यसलाई कर्निङ गोरिल्ला ग्लासले सुरक्षा दिइएको छ ।
 रेडमी नोट सिक्स प्रोको ३ जिवी र्‍याम र ३२ जिवी स्टोरेज भएको मोवाइललाई एमआरपी २४,९९९ पर्ने र ४ जिवी र ६४ जिवी भएकोलाई २८,९९९ पर्ने कम्पनीका एरिया सेल्स म्यानेजर मनोज दाहालले बताए । रेडमी नोट सिक्स प्रो मोवाइल हेटौंडाका विभिन्न मोवाइल पसलमा पाइने एमआई मोवाईलको आधिकारिक विक्रेता आर टु मोवाईलका सञ्चालक राजकुमार दाहालले बताए ।