क्यान्सर पीडित जिम्बाको उपचारमा सहयोगको आग्रह

पाठेघरको क्यान्सर पीडित हेटौंडा–१९ की कमला जिम्बा

२३ मंसिर, हेटौंडा । विगत ८ महिनाबाट पाठेघरको क्यान्सर पीडित हेटौंडा–१९ की कमला जिम्बाको उपचारमा सहयोगका लागि आग्रह गरिएको छ । पीडित जिम्बाको उपचारमा सामाजिक सञ्जाल समुह ‘युथ अफ हेटौंडा’ ले ‘कमला जिम्बा बचाऔं अभियान’ संचालन गरी सहोगको आग्रह गरेको हो । 
पीडित जिम्बाको उपचारमा सहयोग पु¥याउन आइतबार हेटौंडामा पत्रकार सम्मेलन गरेर ‘युथ अफ हेटौंडा’का अभियान्ताहरुले आग्रह गरेका हुन् । पीडित जिम्बाको उपचारको क्रममा हेटौंडा–१९ मा बस्तिपुरमा रहेको घडेरी तथा जग्गा समेत सकिसकेको छ । अप्रेसन गर्न नमिल्ने भएकोले हाल जिम्बाको उपचारकै माध्यमबाट रोग निको बनाउनुपर्ने पीडित जिम्बाले बताईन् । जिम्बाको उपचारको क्रममा नेपाल क्यान्सर अस्पताल काठमाडौं र चितवनमा गरि करिब ३५ लाख खर्च भइसकेको र खर्च गर्न सक्ने अवस्था नरहेकाले उपचारमा सहयोग जुटाउन सोमबारबाट ‘एक रुपैँया’ सहयोग अभियान चलाउने भएका छन् । 
उनको उपचारका लागि सहयोगको लागि आग्रह गरिएको अभियन्ता अमृत चिमरियाले बताए ।  सामाजिक सञ्जाल मार्फत विभिन्न सचेतना मुलक कार्यक्रम गर्दै आएको ‘युथ अफ हेटौंडा’ फेसबुक अभियान पनि चलाउने अभियान्ता चिमरियाले जानकारी दिए । मंगलबार मनहरी महोत्सवमा पनि सहयोग जुटाउन जाने अभियान्ता संग्राम बल लामाले जानकारी दिए । जिम्बालाई ज्योती विकास बैंकको खाता नम्बर ०३४११३००१४०१५२०००००१ मा रकम जम्मा गरेर सहयोग सकिने जनाईएको छ ।