हेटौंडा उपमहानगरपालिकाको चौमासिक आम्दानीबारे जानकारी( प्रगति प्रतिवेदन सहित)

१पुस,हेटौँडा । हेटौंडा उपमहानगरपालिकाले चालु बर्षको पहिलो चौमासिकमा लक्ष्यभन्दा बढि आम्दानी गर्न सफल भएको जनाएको छ ।  उपमहानगरपालिकाले आईतबार पत्रकार भेटघाटको आयोेजना गर्दै यस विषयको जानकारी गराएको हो । 

 उपमहानगरपालिकाले चालु आर्थिक बर्षको पहिलो चौमासिकमा आन्तरिक आयतर्फ एकसय १२ प्रतिशत आम्दानी गर्न सफल भएको जसमा पहिलो चौमासिकमा ३५ करोड १२ लाख ९७ हजार रुपैयाँ आम्दानी गर्ने लक्ष्य राखिएकोमा कार्तिक मसान्तसम्म ३९ करोड ४० लाख २ हजार ३ सय ६८ रुपैयाँ आमदानी गर्न सफल भएको उपमहानगरपालिकाले जनाएको छ । उपमहानगरपालिकाले बार्षिक बाह्य आम्दानी  एक अर्ब ७० करोड ८ लाख ५१ हजार रुपैयाँ राखेकोमा हाल  ६ करोड ९ लाख ५० हजार ७ सय ३५ रुपैयाँ बाह्य आम्दानी भएको जनाएको छ  । प्रथम चौमासिकमा ३७ करोड ४२ लाख ९४ हजार ८ सय ३७ रुपैयाँ खर्च भएको  जुन चार महिनाको अबधिमा २२ दशमलब १ प्रतिशत खर्च हो  कार्यालयमा सुचना अधिकृत भानु थपलियाले बताए  । उपमहानगरपालिका कार्यालय सहित  १९ वटै वडा कार्यालयबाट  पहिलो चौमासिकमा  बिभीन्न खालका सिफारिसबाट १३ हजार ८ सय ८० आम्दानी भएको  झण्डै १४ हजारवटा सिफारिस गरिएको जनाएको छ । 

हेटौंडा उपमहानगरपालिकाको चौमासिक आम्दानीको प्रगति प्रतिवेदन हेर्न यहा क्लिक गर्नुहोस