मकवानपुर प्रहरी गाँजा तथा अफिम खेती फडानीमा सक्रिय      

फोटो जिप्रका मकवानपुर

 
१० पुस, हेटौँडा ।मकवानपुर जिल्लाको विभिन्न स्थानमा लगाइएको अबैध लागु औषध गाँजा तथा अफिम खेती नियंत्रण तथा फडानी कार्यलाई मकवानपुर प्रहरीले निरन्र्तता दिएको छ ।
जिल्ला प्रहरी कार्यालय र मातहतका कार्यालयबाट खटि गएको प्रहरी टोलीले एक सातामा कुल १०९ जना प्रहरी कर्मचारी खटिई  जिल्लाको विभिन्न स्थानमा लगाईएको १ सय ३३ विगहामा लगाईएको गाँजा तथा अफिम लाई नष्ट गरेको जनाएको छ  । 
२०७५ साल भदौको अन्तिम साताबाट जिल्लाको राक्सिराङ, कैलाश, मनहरी र बकैया गाउपालिकाको बिभिन्न स्थानहरूमा भौगोलिक बिकटताको गलत फाईदा उठाउदै अबधै रुपमा लगाइएको गाँजा तथा अफिम खेती नियंत्रण,फडानी र नष्ट गर्न जिल्ला प्रहरी कार्यालय मकवानपुरले त्यस कार्यका लागि योजनाबद्ध रुपले प्रहरी टोली परिचालन गरि सक्रिया देखाएको हो । मकवानपुर प्रहरीले आर्थिक बर्ष २०७५।०७६ मा कुल २२१ बिगाह ४ कट्ठामा लगाइएको गाँजा तथा १०७ बिगाह क्षेत्रफलमा लगाईएको अफिम खेती नष्ट गर्ने लक्ष्य राखी ३ चरणको कार्ययोजना तयार गरि अबधै रुपमा लगाइएको गाँजा तथा अफिम खेती नियंत्रण,फडानी र नष्ट गर्न अभियाननै चलाएको हो ।  पहरीले  पहिलो चरण अन्तर्गत असोज १८  गते देखी २४ गते सम्म जिल्लाको बिभिन्न प्रभाबित क्षेत्रहरुमा कुल १०९ जना प्रहरी कर्मचारी खटिई २८ बिगाह १० कट्ठा गाँजा र ८ बिगाह अफिम खेती नष्ट गरेको थियो । त्यसैगरी दोस्रो चरण अन्तर्गत  मंसिर १० गते देखि १५ गते सम्म कुल  ३६० जना प्रहरी टोली खटाई  ९९ बिगाह ७ कट्ठा गाँजा र १३ बिगाह अफिम खेती नस्ट गरेको थियो ।   
त्यसैगरी केहि दिनमै तेस्रो चरणसम्ममा बाँकी रहेको ९३ बिगाह ६ कट्ठा गाँजा र ८६ बिगाह अफिम खेती नष्ट गर्ने योजना रहेको जिल्ला प्रहरी कार्यालय मकवानपुरका प्रहरी प्रवक्ता डिएसपि यज्ञ प्रसाद भट्टराईले जानकारी दिएका छन।