नारायणीको स्थापना दिवसः विभिन्न कार्यक्रमको आयोजना

१६ पुस, हेटौँडा । नारायणी बहुउद्देश्यीय सहकारी संस्था लिमिटेडले २३ औं स्थापना दिवसको अवसरमा विविध कार्यक्रमको आयोजना गरेको छ । 
स्थापना दिवसको अवसरमा सहकारीले रक्तदान कार्यक्रम, सम्मान कार्यक्रम र मामाघर नेपालमा खाद्य सामाग्री हस्तान्तरण गरी मनाएको छ । नारायणी बहुउद्दद्देश्यीय सहकारी संस्थाले आइतबार संस्थाको प्राङ्गणमा रक्तदान कार्यक्रमको आयोजना गरेको हो । कार्यक्रममा २५ जनाले रक्तदान गरेका छन् । 
यस्तै, सहकारीले स्थापना दिवसको अवसरमा सम्मान कार्यक्रमको आयोजना गरेको छ ।
कार्यक्रममा हेटाँैंडा अस्पताल विकास समितिका अध्यक्ष प्रकाश पौडेल र हेटौंडा सिमेन्ट उद्योगका अध्यक्ष रघुरमण न्यौपाानेलााई दोसल्ला ओढाएर सम्मान तथा कार्यकालको शुभकामना समेत दिएको थियो । 
शनिवार गरेको कार्यक्रममा सहकारीले आफ्नो जेष्ठ सदस्य राज कुमारी सुवेदीलाई उपचार खर्च स्वरुप एक हजार रुपैया“ नगद सहित हर्लिक्स, फलफुल र दोसल्ला ओढाएर सम्माान गरेको छ । 
कार्यक्रममा जिल्ला सहकारी संघका अध्यक्ष बद्री लम्सालको प्रमुख आतिथ्यता तथा हेटौंडा वडा नम्बर ९ का अध्यक्ष लक्ष्मण भण्डारीको विशेष आतिथ्यता रहेको थियो । 
संस्थाका अध्यक्ष रामहरी न्यौपानेको सभाध्यक्षतामा भएको कार्यक्रममा जिल्ला बचत तथा ऋण सहकारी संघकी अध्यक्ष राधा सिंतान, पुर्व अध्यक्ष निरञ्जन ढकाल लगायतलको उपस्थिति रहेको थियो । 
शनिवार नै हेटौंडा ४ मा रहेको मामाघर नेपालमा आश्रीत भान्जाहरुको लागि सहकारीले खाद्यान्न सामाग्री हस्तान्तरण गरेको छ । सहकारीले मामा घर नेपाललाई एक काटुन बिस्कुट, एक बोरा चामल, १० किलो पिठो, ५ प्याकेट नुन, ५ लिटर तेल, ५ किलोग्राम दाल, ५ किलो चिनी, १० किलोग्राम आलु सहयोग हस्तान्तरण गरेको हो ।