मक्रान्चुली सहकारीको अध्यक्षमा न्यौपाने

२१ पुस, हेटौँडा । हेटौडा–६ चौघडामा रहेको मक्रान्चुली सहकारी संस्थाको अध्यक्षमा रामहरी न्यौपाने चयन भएका छन् । 
सहकारी संस्थाको शनिवार सम्पन्न भएको १४ औं वार्षिक साधारणसभाले न्यौपानेको अध्यक्षतामा ९ सदस्यीय नयाँ संचालक समिति गठन गरिएको छ । समितिको उपाध्यक्षमा खडानन्द न्यौपाने, सदस्यहरुमा रामजी सापकोटा, पूर्णभद्र चौलागाई, बासुदेव अधिकारी, कृष्णप्रसाद संजेल, शिवप्रसाद संजेल, शिवनाथ न्यौपाने र रामप्रसाद चौरेल चयन भएका छन् । यसैगरी लेखा समितिको संयोजकमा कृष्णप्रसाद धिताल, सदस्यहरुमा शिवप्रसाद खनाल र शिवप्रसाद न्यौपाने चयन भएका छन् । 
साधारणसभामा संस्थाका अध्यक्ष खिलप्रसाद चौलागाईले संस्थागत प्रतिवेदन र व्यवस्थापक केदारप्रसाद संजेलले आर्थिक प्रतिवेदन प्रस्तुत गरेका थिए । हेटौडा–६ का वडा अध्यक्ष अर्जुनप्रसाद चौलागाईको प्रमुख आतिथ्यतामा भएको साधारणसभामा जिल्ला दुग्ध उत्पादक सहकारी संघका अध्यक्ष बासुदेव अधिकारी,गैरसरकारी महासंघ,मकवानपुरका अध्यक्ष कृष्ण धिताल,बंशगोपाल माविका प्रअ रमेश लामिछाने, रानी सामुदायिक वनका अध्यक्ष कृष्ण विडारी, गुरुप्रसाद सापकोटा लगायतकाले मन्तव्य व्यक्त गरेका थिए ।