कालीदेवी सहकारीको भेलामा दर्जन बढी सम्मानित

२७ पुस, हेटौँडा । मकवनपुरगढी–४ कालीखोलामा रहेको कालीदेवी दुग्ध उत्पादक सहकारी संस्थाको २३ औं वार्षिक साधारणसभा शुक्रवार सम्पन्न भएको छ । साधारणसभामा संस्थाका अध्यक्ष अर्जुन सापकोटोले संस्थागत प्रतिवेदन र लेखा सुपरीवेक्षण समितिका संयोजक मेरबहादुर पाख्रिनले लेखा समितिको प्रतिवेदन प्रस्तुत गरेका थिए ।
भेलामा संस्थापक अध्यक्ष मीनप्रसाद लामिछाने, पूर्वअध्यक्ष दिवस दुलाल, कृष्णप्रसाद खतिवडा, ढलप्रसाद चौलागाई, विष्णुप्रसाद लामिछाने, संस्थाबाट बढी दूध खरीद गर्ने कपिल पोखरेल, संस्थामा बढी दूध विक्री गर्ने सीतारमा न्यौपाने, संचारकर्मी एमपी शर्मालाई सम्मानित गरिएको थियो । यसैगरी संस्थालाई सहयोग गर्ने खिलप्रसाद चौलागाई,राजकुमार चौलागाई,दैनिक तीस लिटर भन्दा बढी दूध विक्री गर्ने प्रल्हाद चौलागाई, सूर्यबहादुर पाख्रिन, रामबहादुर पाख्रिन, नानीमाया लामा, शर्मिला पाख्रिन, गुणस्तरीय दूध विक्री गर्ने लक्ष्मी विक लगायतकालाई समेत सम्मानित गरिएको थियो ।
मकवानपुरगढी गाउँपालिका अध्यक्ष विदुर हुमागाईको प्रमुख आतिथ्यता एवम सहकारीका अध्यक्ष अर्जुन सापकोटाको अध्यक्षतामा कार्यक्रम भएको थियो । भेलामा मकवानपुरगढी ४ का वडा अध्यक्ष रामप्रसाद तिमल्सिना, नेपाल बंगलादेश बैक गढी शाखा प्रमुख डिल्लीबहादुर कार्की, मकवानपुर जिल्ला सहकारी संघका सदस्य हरी कँडेल, मनकामना दुग्ध उत्पादक सहकारी संस्थाका अध्यक्ष कृष्णप्रसाद दाहाल, सिर्जनशिल समाज सहकारीका अध्यक्ष कृष्ण विडारी, ज्यालादेवी आधारभुत विद्यालयका प्रधानाध्यापक शिवप्रसाद लामिछाने, श्रमिक साना किसान सहकारीकी उपाध्यक्ष मानकुमारी पाख्रिन लगायतकाले मन्तव्य व्यक्त गरेका थिए ।