माघी पर्व हेटौंडामा पनि मनाईने

२८ पुस, हेटौँडा । थारु समुदायको नयाँ बर्ष अर्थात माघी पर्व हेटौंडामा पनि मनाईने भएको छ ।  तराईका विभिन्न  जिल्लाहरु सहित काठमाडौँमा हर्ष उल्लासका साथ मनाउने माघी पर्व यस बर्ष २ हजार थारु समुदायका मानिस बसोबास गर्ने हेटौंडामा पनि मनाईने भएको हो । . 
थारु कल्याणकारी सभा मकवानपुरले शनिबार पत्रकार सम्मेलनको आयोजना गर्दै यस बिषयको जानकारी गराएको हो । पत्रकार सम्मेलनमा माघ १ गते प्रथम थारु तथा माघी महोत्सवको आयोजना गर्न लागिएको सभाका जिल्ला सचिव चन्द्रकान्त चौधरीले जानकारी दिएका छन । थारु समुदायको संस्कृति र परम्परालाई जोगाउने उदेश्यले महोत्सवको आयोजना गरिएको सचिव चौधरीले बताए । 
  महोत्सवको माघ १ गते १ बजे हेटौडा उपमहानगरपालिकाका नगर प्रमुख हरि बहादुर महतले उदघाटन गर्ने प्रथम थारु तथा माघी महोत्सवका मुल समारोह समिति संयोजक हरिलाल चौधरीले बताए ।  महोत्सवममा थारु सस्कृति झल्कने पहिचान ,थारु नाच, थारु जातीको इतिहास समेटेका विषयहरु, हस्तकला, थारु खानाको विशेष परिकारहरु साथै थारु कलाकारहरुको बेजोड प्रस्तुती रहने कल्याणकारी सभाका उपाध्यक्ष अमिता चौधरीले बताईन ।  . 
उनले महोत्सव माघ १गते झाँकी सहितको ¥यालीले नगरपरिक्रमा गर्ने र हेटौंडा ४ बासुदेव सभा गृहमा आएर महत्सव उदघाटन गरिने बताईन । 
४ लाख ५ हजार खर्च लाग्ने र ५ हजार जनाले अवलोकन गर्ने आयोजकले पत्रकार  सम्मेलनमा जनाएको छ । सभाले सम्मेलन मार्फत हर्ष उल्लासका साथ मनाउने माघी पर्वमा सार्वजनिक विदा दिन समेत अनुरोध गरेको छ ।