लक्ष्मीनारायण दुग्ध सहकारीको साधारणसभा 

३० पुस, हेटौँडा । हेटौडा–१७, गैरीगाउँमा रहेको लक्ष्मीनारायण दुग्ध उत्पादक सहकारी संस्थाको २० औं वार्षिक साधारणसभा सोमवार भएको छ । 
साधारणसभामा संस्थाका अध्यक्ष रुपचन्द्र विडारीले संस्थागत प्रतिवेदन,व्यवस्थापक टिकाराम न्यौपानेले आव ०७४/०७५ को लेखापरीक्षण प्रतिवेदन र लेखा समितिका सदस्य मेनप्रसाद अधिकारीले लेखा समितिको प्रतिवेदन प्रस्तुत गरेका थिए । भेलामा आव ०७४/०७५ मा सबै भन्दा बढी दूध विक्री गर्ने होमनाथ देवकोटा, अचुत देवकोटा, कमला श्रेष्ठ, गुणस्तरीय दूध विक्री गर्ने रामप्रसाद तिमल्सिना र संस्थाबाट धेरै दूध खरीद गर्ने शिव शर्मा ढुंगानालाई पुरस्कृत गरिएको थियो ।
मकवानपुुर जिल्ला दुग्ध उत्पादक सहकारी संघका अध्यक्ष बासुदेव अधिकारीको प्रमुख आतिथ्यता एवम् संस्थाका अध्यक्ष रुपचन्द्र विडारीको अध्यक्षतामा भेला भएको थियो । भेलामा हेटौडा–१७ का वडा अध्यक्ष भैरब बहादुर राई,मकवानपुर जिल्ला दुग्ध उत्पादक सहकारी संघका व्यवस्थापक कुमारमणी दहाल, कामधेनु बहुउद्धेश्यीय सहकारी संस्थाका अध्यक्ष गौरबकुमार पराजुली, साना किसान कृषि सहकारी संस्था हटियाकी अध्यक्ष कमला श्रेष्ठ, चुच्चेखोला सामुदायिक वन उपभोक्ता बचत तथा ऋण सहकारीका अध्यक्ष लक्ष्मण कटुवाल, संस्थाका उपाध्यक्ष रच्युत देवकोटा, संचारकर्मी केदार गौतम लगायतकाले मन्तव्य व्यक्त गरेका थिए ।